Éxodo 8:29 - Biblia

²⁹ Jare Moisés jei mburuwicha wasu pe: “Kua wi aë rupiwe ayerureta aï oreTumpa pe nderé. Jare kuriye mbutu reta opata usɨrɨ ndewi, nemborɨa nembɨarakuaa wae reta wi, jare opaete ndeɨwɨ pewa reta wi,” jei. “Erëi awɨyeta ko orembɨtawɨ ye noë ndoo waerä,” jei Moisés mburuwicha wasu pe.

Éxodo 8:29 Iomraidhean Croise

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:8

Joko wi mburuwicha wasu uenika Moisés jare Aarón jare jei chupe reta: “Amaeñota aï peré peë peraa piyuka mbaemɨmba reta pemee waerä peTumpa pe,” jei. “Jayawe piyerure peTumpa pe umbɨsɨrɨ waerä kua pïte reta chewi jare cheɨwɨ pewa reta wi,” jei chupe reta.

Éxodo 9:30

“Erëitu aikuaa aï nde jare nemborɨa nembɨarakuaa wae reta pipɨu’ä etei peï oreTumpa wi,” jei Moisés chupe.

Gálatas 6:7

Awɨye piyembɨtawɨ. Echa’ä Tumpa umɨñatimata oï yandewe pëti pëti pe mbae yayapo wae rupi, jare jokua rewa yande yandepuereta’ä yambɨtawɨ Tumpa. Yande yaikuaa kawi ñaï jokua ñañotɨ wae, jokua etei ko yawɨye yawe, yaupi yeta ñaï kuri.