Éxodo 8:15 - Biblia

¹⁵ Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:15 Iomraidhean Croise

Éxodo 14:5

Jokua rambuewe, ɨwɨ Egipto pe amokue wae umbeu imburuwicha wasu pe kërái Israel iñemoñaa reta opa ma oë yuraa ɨwɨ Egipto wi wae. Jayawe mburuwicha wasu jare imborɨa umbɨarakuaa wae reta uyembopochɨ ye Israel iñemoñaa reta kotɨ. Jayawe jei iyupe reta: “¿Mbae ra ko yayapo? ¿Marái ramo ñamaeño Israel iñemoñaa reta re oë yuraa waerä? ¡Echa’ä opa ma ñamɨkañɨ ñaï yandeyuwi yanepione reta!” jei iyupe reta.

Éxodo 4:21

Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 8:14

Jayawe ɨwɨ Egipto pewa reta umbatɨmbatɨ pïte jeöwekue reta. Jare inete utimbo opaete ɨwɨ Egipto rupi.

Éxodo 8:16

Jayawe Tumpa jei Moisés pe: “Ere Aarón pe tokua ɨwɨ re ipopoka pɨpe mbariwi uyekuaa waerä ɨwɨkuí wi opaete ɨwɨ Egipto rupi,” jei chupe.

Éxodo 8:28

Jayawe mburuwicha wasu jei chupe reta: “Amaeñota peré peo waerä ɨwɨtini wasu kotɨ, erëi awɨye mbɨrɨete pekua,” jei. “Jare añawe piyerure cheré,” jei mburuwicha wasu Moisés jare Aarón pe.

Éxodo 8:29

Jare Moisés jei mburuwicha wasu pe: “Kua wi aë rupiwe ayerureta aï oreTumpa pe nderé. Jare kuriye mbutu reta opata usɨrɨ ndewi, nemborɨa nembɨarakuaa wae reta wi, jare opaete ndeɨwɨ pewa reta wi,” jei. “Erëi awɨyeta ko orembɨtawɨ ye noë ndoo waerä,” jei Moisés mburuwicha wasu pe.

Éxodo 8:32

Erëitu mburuwicha wasu jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Éxodo 8:8

Joko wi mburuwicha wasu uenika Moisés jare Aarón jare jei chupe reta: “Amaeñota aï peré peë peraa piyuka mbaemɨmba reta pemee waerä peTumpa pe,” jei. “Jayawe piyerure peTumpa pe umbɨsɨrɨ waerä kua pïte reta chewi jare cheɨwɨ pewa reta wi,” jei chupe reta.

Hebreos 3:15

Tae ye pewe kua opa yamɨngeta wae: “Kua ara chiñee piyandu yawe, awɨye pepɨa pemɨtäta kërái peramɨkue reta ipɨa umɨtäta rami. Jukuärái uyapo reta uyembowaicho yawe chekotɨ.” Jukuärái jei Tumpa.

Hebreos 3:8

awɨye pepɨa pemɨtäta kërái peramɨkue reta ipɨa umɨtäta rami. Jukuärái uyapo reta uyembowaicho yawe chekotɨ jare omboporowa reta yawe chepɨawasu ɨwɨtini wasu rupi.

Apocalipsis 16:9

Jare warasɨ jasɨete ramo, ɨwɨ pewa reta ipire uapɨ chuwi. Jáeramo jae reta jei ñee ikawi mbae wae Tumpa kotɨ. Jae reta uikuaa tëi Tumpa ime onoi mbaepuere opaete kua mbaesusere reta re. Erëi jesewe jae reta uipota’ä etei ueya ipɨayemɨngeta jupi mbae wae, jare umbutuicha’äñoi reta Tumpa jee.