Éxodo 7:19 - Biblia

¹⁹ Tumpa jei wi chupe: “Ere Aarón pe tueupi jare tupuwëe ipopoka pɨpe opaete ɨ ɨwɨ Egipto pe oï wae kotɨ – jae ko opaete ɨ wasu reta, jare ɨ raɨ reta, jare ɨpa reta, jare ɨkua reta kotɨ. Jare opaete ɨ ɨwɨ Egipto pe oï wae uyeyapota tuwɨ. Jukuärái ikota tuwɨ opaetei ɨwɨ Egipto rupi. Ɨ jɨru reta ɨwɨra pewa jare ita pewa pe awe oïta tuwɨ,” jei chupe.

Éxodo 7:19 Iomraidhean Croise

Génesis 1:10

Jare Tumpa umbɨjee jokua utini wae, “ɨwɨ,” jare ɨ yatɨ wae, “mar reta.” Jare Tumpa uecha jokua reta ikawiete ko.

Éxodo 10:12

Jaɨkue rupi Tumpa jei Moisés pe: “Eupi ndepo ɨwɨ Egipto kotɨ, jare jupiwoiño outa tuku reta ɨwɨ Egipto pe. Tuku reta opata jou opaetei temitɨ jembɨre wae amandau wi,” jei chupe.

Éxodo 10:21

Jayawe Tumpa jei Moisés pe: “Eupi ndepo ara kotɨ, jare uyeyapota pɨ̈tumimbiete ye opaete ɨwɨ Egipto rupi,” jei chupe.

Éxodo 14:16

Jare nde, eupi ndepopoka mar iáramo. Jukuärái ndiyapo yawe, che aipeata ɨ mbɨte rupi. Jare jukuärái Israel iñemoñaa reta uasata mar mbɨte rupi ɨwɨ utini wae rupi,” jei chupe.

Éxodo 14:21

Jare Moisés upi ipopoka yawe mar iáramo, Tumpa ombou pëti ɨwɨtu täta rupi warasɨ oë wae kotɨ wi. Jukuärái uipea tape echa rami mar mbɨte rupi. Jokua ɨwɨtu uyepeyu opaete pɨ̈tu rupi, jare opa umɨtini tape echa rami mar mbɨte rupi.

Éxodo 14:26

Jokua rambuewe, Israel iñemoñaa reta opa oë yuraa mar jowaicho kotɨ. Jayawe Tumpa jei Moisés pe: “Eupi ye ndepopoka mar iáramo. Jukuärái amɨñatima yeta ɨ jenda pe. Jukuärái ɨ opata umbɨyasoi opaete sɨndaro reta, jare ikarosa ñeräro pewa reta, jare sɨndaro opo kawayu re wae reta wi,” jei chupe.

Éxodo 4:9

“Erëi ndererowia’ä reta yawe jokua mokui ndiyapo wae rupi, jare uyapɨsaka’ä ñeño reta yawe niñee re, jayawe ekua eki ɨ ɨ wasu wi jare epɨyere ɨwɨ utini wae re. Jare ɨwɨ re jokua ɨ uyeyapota tuwɨ,” jei Tumpa Moisés pe.

Éxodo 8:16

Jayawe Tumpa jei Moisés pe: “Ere Aarón pe tokua ɨwɨ re ipopoka pɨpe mbariwi uyekuaa waerä ɨwɨkuí wi opaete ɨwɨ Egipto rupi,” jei chupe.

Éxodo 9:33

Jayawe Moisés opa uyemɨngeta yawe mburuwicha wasu ndiwe, oë ye oo tëta wasu wi jare upi ipo uyerure waerä Tumpa pe. Jupiwoi opa upɨta amandau jare okɨ wae, jare opa kïi ama jɨapu wae.