Éxodo 7:17 - Biblia

¹⁷ Jáeramo añawe Tumpa jei oï ndewe kuärái: ‘Kua rupi nde ndikuaata che ko Tumpa añetete wae. Mase, ambokuakata aï kua ɨ wasu re kua popoka pɨpe, jare ɨ uyeyapota tuwɨ.

Éxodo 7:17 Iomraidhean Croise

Éxodo 1:22

Jáeramo mburuwicha wasu oyokui opaete ɨwɨ Egipto pewa reta jare jei chupe reta: “Pemombo kuri ɨ wasu Nilo pe opaete sambiaɨ kuimbae hebreo jaeramo oa wae reta. Erëi oa yawe sambiaɨ kuña, pemaeño tuiko,” jei mburuwicha wasu chupe reta.

Éxodo 10:2

“Jare pe reta pemiärita pesambiaɨ reta pe jare perumɨmino reta pe kërái aiporaraka ɨwɨ Egipto pewa reta pe. Jare pemiärita wi chupe reta mbaembae kɨyete pewa joko pe ayapo wae rewa. Jukuärái pikuaata che ko jae Tumpa aikoño mái wae,” jei Tumpa Moisés pe.

Éxodo 4:9

“Erëi ndererowia’ä reta yawe jokua mokui ndiyapo wae rupi, jare uyapɨsaka’ä ñeño reta yawe niñee re, jayawe ekua eki ɨ ɨ wasu wi jare epɨyere ɨwɨ utini wae re. Jare ɨwɨ re jokua ɨ uyeyapota tuwɨ,” jei Tumpa Moisés pe.

Éxodo 5:2

Erëi mburuwicha wasu jei chupe reta: “¿Kía pa ko jokua peTumpa ayapɨsaka waerä jese jare amaeño waerä oë yuraa Israel iñemoñaa reta? Aikuaa’ä jokua peTumpa, jare ndarau amaeño Israel iñemoñaa reta re oë yuraa reta waerä,” jei chupe reta.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

Éxodo 7:20

Jayawe Moisés jare Aarón uyapo opaete Tumpa jei Moisés pe wae rupi. Mburuwicha wasu jare imborɨa umbɨarakuaa wae reta umae ñonoï jese rambuewe, Aarón ueupi ipopoka jare okua ɨ wasu re. Aramoiño opaete ɨ wasu uyeyapo tuwɨ.

Éxodo 7:5

“Jayawe ramo ɨwɨ Egipto pewa reta uikuaata che ko jae Tumpa aikoño mái wae, ayapo yawe chupe reta mbaembae kɨyete pewa anoe waerä Israel iñemoñaa reta ɨwɨ Egipto wi,” jei Tumpa Moisés pe.

Apocalipsis 11:6

Jare kua reta mokui rewe onoi mbaepuere uyukenda waerä ara awɨye waerä okɨ jokua ara jae reta opa Tumpa iñee umɨmbeu rewa. Jae reta wi onoi mbaepuere ɨ tuwɨrä uyapo waerä. Jae ramiño wi jae reta onoi mbaepuere uiporaraka waerä ɨwɨ pewa reta pe ipotawe mbaesusere pe mbowɨ wese jae reta uipota uyapo wae rupi.

Apocalipsis 8:8

Joko wi ïru araɨwa umɨñee jemimbɨ wasu. Kua re mokui ma umɨñee. Jare umɨñee yawe, pëti ɨwɨtu wasu echa wae jendɨ rewe oa oo mar pe. Jare mar mbɨte seri opa uyeyapo tuwɨrä.