Éxodo 7:13 - Biblia

¹³ Erëi jesewe mburuwicha wasu imeño ipɨatäta, jare uyapɨsaka’ä Moisés jare Aarón re kërái Tumpa jei rami.

Éxodo 7:13 Iomraidhean Croise

Éxodo 10:1

Jaɨkue rupi Tumpa jei Moisés pe: “Ekua ye mburuwicha wasu jowai, echa’ä amɨtäta ye chuwi ipɨa jare imborɨa umbɨarakuaa wae reta ipɨa chuwi wi. Echa’ä aipota aikuaaka chupe reta chembaepuere mbaembae kɨyete pewa ayapo aï wae rupi,” jei chupe.

Éxodo 10:20

Erëitu Tumpa umɨtäta yewɨ mburuwicha wasu ipɨa chuwi. Jáeramo mburuwicha wasu umaeño’ä Israel iñemoñaa reta re oë yuraa waerä.

Éxodo 10:27

Erëi Tumpa umɨtäta yewɨ mburuwicha wasu ipɨa chuwi. Jáeramo mburuwicha wasu umaeño’ä jese reta oë yuraa waerä.

Éxodo 14:17

“Mase, che amɨtätata sɨndaro reta ɨwɨ Egipto pewa ipɨa chuwi reta peraɨkuemoña reta waerä mar mbɨte rupi. Joko pe aechakata aï chembaepuere opaete ɨwɨ pewa reta pe perowaicho reta amɨamɨri wae rupi. Jae reta ko mburuwicha wasu, opaete isɨndaro reta, opaete ikarosa ñeräro pewa reta, jare opaete isɨndaro opo kawayu re wae reta wi. Amɨamɨri reta yawe, opaete ɨwɨ Egipto pewa reta uikuaata che ko jae opaete wae iYa,” jei Tumpa Moisés pe.

Éxodo 4:21

Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 7:12

Kua reta pëti pëti omombo ipopoka ɨwɨ re, jare uyeyapo wi mboi jokua ipopoka reta. Erëitu Aarón imboi opa jou opaete ïru mboi reta.

Éxodo 7:14

Jaɨkue rupi Tumpa jei Moisés pe: “Mburuwicha wasu ipɨatätaete jare jekuaeño umaeño’ä Israel iñemoñaa reta re oë yuraa reta waerä,” jei.

Éxodo 7:22

Erëi ichoropa mburuwicha wasu pe uyeyokui wae reta jukuärái uyapo wi ichoropa rupi. Jayawe mburuwicha wasu imeño ipɨatäta jare uyapɨsaka’ä Moisés jare Aarón re kërái Tumpa jei rami.

Éxodo 8:11

Pïte reta opata uyembɨsɨrɨ ndewi, nemborɨa nembɨarakuaa wae reta wi, jare opaete ndeɨwɨ pewa reta wi. Mbaetɨta pïte jembɨre; jaeño ɨ wasu pe ñonoïta,” jei Moisés chupe.

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:19

Jayawe ichoropa wae reta jei mburuwicha wasu pe: “Tumpa ko aipo uyapo oï kua,” jei reta chupe. Erëi mburuwicha wasu imeño ipɨatäta jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:28

Jayawe mburuwicha wasu jei chupe reta: “Amaeñota peré peo waerä ɨwɨtini wasu kotɨ, erëi awɨye mbɨrɨete pekua,” jei. “Jare añawe piyerure cheré,” jei mburuwicha wasu Moisés jare Aarón pe.

Éxodo 9:12

Erëi Tumpa umɨtäta ye mburuwicha wasu ipɨa chuwi. Jayawe mburuwicha wasu uyapɨsaka’ä Moisés jare Aarón iñee re kërái Tumpa jei uyeyapota wae rami.

Éxodo 9:35

Mburuwicha wasu uyembɨpɨatäta ye jare umaeño’ä Israel iñemoñaa reta re oë yuraa waerä kërái Tumpa jei uyeyapota iko wae rami.

Éxodo 9:7

Jare mburuwicha wasu omondo uikuaa waerä añetete ra pëti awe Israel iñemoñaa reta jɨmba umano’ä wae. Erëi yepe tëi uikuaa añetete wae, jesewe jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Romanos 1:28

Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.

Romanos 2:5

Erëi nde ndipota’ä ndeya jare jekuaeño ndepɨatäta neï. Jare jokua jeko pewa Tumpa iarasɨ wasu jekuaeño ukuakuaa oï ndekotɨ. Jare Tumpa jokua uitɨta oï nderé uwäe yawe ara opaete ɨwɨ pewa reta uyemboɨ waerä jae jowai jae jei waerä jae reta jeko re. Jare jokua ara ramo Tumpa uiporarakata oï ndewe täta rupi.

Hebreos 3:13

Añetete ko, Tumpa kotɨ yayawɨ wae jeta wese ikawi wae echa uyekuaa yandewe. Erëi yanembɨtawɨ, echa’ä jaeño yanembɨpɨatäta Tumpa kotɨ yayawɨ yawe. Jáeramo, añawe imeño ara reta oï rambuewe, piñemɨkɨrëɨ päwe rewe piyandareko kawi waerä piyé.