Éxodo 7:10 - Biblia

¹⁰ Jayawe Moisés jare Aarón yuraa mburuwicha wasu jowai, jare uyapo reta kërái Tumpa jei chupe wae rami. Aarón omombo ipopoka ɨwɨ re mburuwicha wasu pe uyeyokui wae itenondewa reta jowai, jare ipopoka uyeyapo mboi.

Éxodo 7:10 Iomraidhean Croise

Éxodo 12:28

Jayawe Israel iñemoñaa reta uyapo opaete Tumpa jei Moisés jare Aarón rupi wae.

Éxodo 4:3

Tumpa jei chupe: “Emombo ndepopoka ɨwɨ pe,” jei. Jare Moisés omombo ɨwɨ pe yawe, ipopoka uyeyapo mboi. Moisés jokua uecha yawe, ukɨye jare usɨrɨ chuwi.

Éxodo 7:15

“Jáeramo pekua mburuwicha wasu kotɨ kuriye ndimbowe, jae oo oï yawe ɨ wasu kotɨ. Peäro ɨ wasu jembeɨ pe piñeñowäiti waerä jae ndiwe joko pe. Awɨye peakañɨ peraa pe ndiwe jokua popoka uyeyapo mboi wae,” jei.

Éxodo 7:20

Jayawe Moisés jare Aarón uyapo opaete Tumpa jei Moisés pe wae rupi. Mburuwicha wasu jare imborɨa umbɨarakuaa wae reta umae ñonoï jese rambuewe, Aarón ueupi ipopoka jare okua ɨ wasu re. Aramoiño opaete ɨ wasu uyeyapo tuwɨ.

Éxodo 7:6

Jayawe Moisés jare Aarón uyapo reta opaete Tumpa jei chupe wae rupi.

Éxodo 7:9

“Mburuwicha wasu uipotata pe reta piyapo waerä chupe mbae chembaepuere rupi pikuaaka waerä chupe che ko pomondo wae. Jáeramo nde Moisés, ere Aarón pe tomombo ipopoka ɨwɨ re mburuwicha wasu jowai,” jei. “Jawoi pewa ipopoka uyeyapota mboi.” Jukuärái jei Tumpa chupe reta.

Marcos 16:18

Jare yepe tëi aramoi uipɨsɨta reta mboi, jare yepe tëi aramoi jouta reta mbayachi, erëi ndarau mbae awe uyeyapo chupe reta. Jare oñonota reta ipo imbaerasɨ wae reta re umɨnguera waerä.” Jukuärái Jesús jei jemimboe reta pe.

San Lucas 10:19

“Mase, che amee ma pewe mbaepuere aña reta re. Jare kërái kía uyapaso mboi jare chumɨkaräpe wae rami, jukuärái wi pe reta pepuereta pemɨamɨri reta,” jei. “Añetete ko, yanderowaicho Añawasu ime onoi mbaepuere. Erëi che amee ma pewe mbaepuere pemɨamɨri waerä. Ndarau etei mbae ipuere uyapo pewe,” jei.