Éxodo 6:8 - Biblia

⁸ Puraata pe reta jokua ɨwɨ che etei jae ameeta aiko peramɨkue reta Abraham, Isaac, jare Jacob pe wae pe. Jokua ɨwɨ ikota pemaerä. Che ko jae Tumpa aikoño mái wae.’ Jukuärái ere Israel iñemoñaa reta pe,” jei Tumpa Moisés pe.

Éxodo 6:8 Iomraidhean Croise

Génesis 15:18

Jayawe jokua ara etei Tumpa uikuaaka Abram pe mbae uyapota iko Abram iñemoñaa reta pewarä wae, jare jei chupe: “Niñemoñaa reta pe ameeta aï kua ɨwɨ, ɨ wasu Egipto pewa wiwe ɨ wasu tuicha wae Éufrates jee wae pe rewa. Kua ɨwɨ ameeta aï chupe reta,” jei chupe.

Génesis 28:13

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Éxodo 13:5

“Tumpa jei peramɨkue reta pe umeeta iko pewe cananeo reta, heteo reta, amorreo reta, heveo reta, jare jebuseo reta iɨwɨ pemaerä. Jayawe Tumpa peruwäe ma yawe jokua ɨwɨ ikawiete wae pe, piyapota ko kua yemɨmandúa mbɨyape levadura mbae pewa. Jukuäraita ko piyapo kua tenondewa yasɨ pe etei añawe wiwe opa año rupi.

Éxodo 32:13

“Nemandúa mii jokua yemɨngeta nde ndiyapo ndewe uyeyokui wae reta Abraham, Isaac, jare Jacob ndiwe wae re. Nde etei ndere chupe reta kuärái: ‘Ambɨjetaeteta aï niñemoñaa reta yasɨtata reta jeta ye ye wae rami. Jare opaete kua ɨwɨ che jae ameeta aï pewe wae imeta piñemoñaa reta imaerä jaeño mái pewa,’ ndere chupe reta,” jei Moisés Tumpa pe.

Éxodo 6:2

Tumpa jei wi Moisés pe: “Che ko jae Tumpa,” jei.

Éxodo 6:4

“Jae reta yureko ɨwɨ Canaán pe ambɨe ɨwɨ pewa reta rami. Erëitu che jae chupe reta ameeta aiko chupe reta jare iñemoñaa reta pe wi jokua ɨwɨ,” jei.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Números 14:30

Yepe tëi tenonde che jae ameeta aiko pewe jokua ɨwɨ Canaán peɨwɨrä, erëi añawe jaeño Jefone taɨ Caleb jare Nun taɨ Josué yuraata ñonoï yureko waerä jokua ɨwɨ ikawiete wae pe,’ ere chupe reta.

Apocalipsis 10:6

Jare jei: “Tumpa ko jae imeño mái iko wae. Jae ko uyapo ara, jare ɨwɨ, jare mar, jare opaete mbaembae pɨpe oï wae reta. Jare jae jowake che tae añawe uwäe ma ora.