Éxodo 6:5 - Biblia

⁵ “Mase, añawe jae reta iñemoñaa reta uiporaraete ñonoï ɨwɨ Egipto pewa reta ipo pe. Erëi che ayandu ma uyao reta wae, jare chemandúa wi yemɨngeta ikawiete wae ayapo peramɨkue reta Abraham, Isaac, jare Jacob ndiwe wae re,” jei.

Éxodo 6:5 Iomraidhean Croise

Génesis 8:1

Erëi Tumpa iñakañɨ'ä Noé wi jare opaete mbaemɨmba reta jae ndiwe ñonoï chalana wasu japɨpe wae. Jayawe Tumpa ombou ɨwɨtu uipeyu waerä ɨ iáramo rupi jare umbɨpɨ tɨpa waerä ɨ.

Génesis 9:15

Jayawe chemanduata aï kua yemɨngeta re ayapo opaete ɨwɨ pewa reta ndiwe wae re. Jare ndarau ye ma ambou ɨporu wasu ambái waerä opaete ɨwɨ pewa reta,” jei.

Éxodo 2:23

Jeta año ma uasa yawe, mburuwicha wasu Egipto pewa umano. Erëitu Israel iñemoñaa reta jekuaeño uiporaraete reta, echa’ä tätaete uyeyokui Egipto pewa reta pe. Jáeramo Israel iñemoñaa reta uyerure iñeeäta rewe Tumpa pe omborɨ reta waerä. Jare Tumpa uyandu uyerure reta wae.

Éxodo 2:24

Tumpa uyandu wi uyao reta wae, jare imandúa jokua yemɨngeta ikawi wae re arakae uyapo Abraham, jare Isaac, jare Jacob ndiwe wae.

Éxodo 3:7

Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei.

Éxodo 5:4

Erëi mburuwicha wasu jei chupe reta: “¡Joko peño ma!” jei chupe reta. “Moisés jare Aarón, ¿marái ramo pembɨyemboɨ peï chepione reta iparawɨkɨ wi? ¡Opaete wae tuñatima ye iparawɨkɨ pe!” jei chupe reta.

San Lucas 1:54

Jae yanemborɨ ma yande Israel iñemoñaa reta yaiko wae. Yayeyokui ma chupe, jare jae iñakañɨ'ä yandeparareko waerä.

San Lucas 1:72

Tumpa uiparareko Abraham jare ïru yanderamɨkue reta, echa’ä jae iñakañɨ'ä jokua jae jei chupe reta wae wi.