Éxodo 6:2 - Biblia

² Tumpa jei wi Moisés pe: “Che ko jae Tumpa,” jei.

Éxodo 6:2 Iomraidhean Croise

Génesis 15:7

Jare Tumpa jei chupe: “Che ko jae Tumpa nonoe tëta wasu Ur jee wae wi, caldeo reta iɨwɨ wi wae, amee waerä ndewe kua ɨwɨ,” jei chupe.

Éxodo 12:12

Echa’ä jokua pɨ̈tu che asata a aï opaete ɨwɨ Egipto rupi. Jare ayukata aï opaete wae taɨrɨpɨ jare opaete mbaemɨmba reta imembɨrɨpɨ kuimbae wi. Jukuärái ayapota opaete ɨwɨ Egipto pewa reta pe aikuaaka waerä chupe reta itumparaanga reta jae’ä ko Tumpa wae. Echa’ä jaeño ko che Tumpa añetete wae.’ Jukuärái pemɨmbeu chupe reta,” jei Tumpa Moisés jare Aarón pe.

Éxodo 15:3

Tumpa ko jae ñeräro pe upurumɨamɨri wae. JAE KO JAE – jukuärái ko Tumpa jee.

Éxodo 17:1

Opaete Israel iñemoñaa reta oë yuraa ɨwɨtini wasu Sin jee wae wi. Joko wi yuraa jare upɨta reta kiape Tumpa jei chupe reta wae rupi. Jayawe yuraa uwäe reta ɨwɨ Refidim jee wae pe. Erëi joko pe mbaetɨ ɨ chupe reta.

Éxodo 20:2

“Che ko jae peTumpa aikoño mái wae ponoe ɨwɨ Egipto wi wae. Joko pe täta piyeyokuise Egipto pewa reta pe,” jei.

Éxodo 3:14

Jayawe Tumpa jei Moisés pe: “Che cheree ko CHE KO CHE,” jei chupe. “Nde ndereta chupe reta, ‘CHE KO CHE jee wae chembou pekotɨ.’

Éxodo 3:15

Ere wi chupe reta kuärái: ‘Tumpa ikoño mái wae – jae ko yanderamɨkue reta Abraham, Isaac, jare Jacob iTumpa – jae ko chembou pekotɨ,’ ere chupe reta. Jokua ko cheree jaeño mái pewa, jare opaete piñemoñaa reta rupi timandúa kua ko cheree wae,” jei.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Éxodo 6:8

Puraata pe reta jokua ɨwɨ che etei jae ameeta aiko peramɨkue reta Abraham, Isaac, jare Jacob pe wae pe. Jokua ɨwɨ ikota pemaerä. Che ko jae Tumpa aikoño mái wae.’ Jukuärái ere Israel iñemoñaa reta pe,” jei Tumpa Moisés pe.

Isaías 43:11

Che ko jae Tumpa, jare mbaetɨ ye ambɨe Upuruepɨ wae. Jaeño ko che,” jei Tumpa.