Éxodo 5:21 - Biblia

²¹ Jare jae reta jei Moisés jare Aarón pe: “Tumpa tumae peré iarasɨ rewe. Echa’ä pereko pewa mburuwicha wasu jare uyeyokui chupe itenondewa reta umae ñonoï oreré pochɨ rewe. Pe reta oremɨjëwa ma chupe reta oreyuka reta waerä,” jei reta.

Éxodo 5:21 Iomraidhean Croise

Génesis 16:5

Jáeramo Sarai jei Abram pe: “¡Jupi’ä ko kua!” jei. “Mase, che etei amee ndewe Agar nembirekorä. Erëi añawe jae uikuaa ipurúa ma oï ramo, uipɨu’ä ma chewi. ¡Jare nemaeño kua uasa waerä! ¡Ndereko pewa ko kua ikawi mbae wae oï chekotɨ! Tumpa tuikuaaka yandewe kía ra ime onoi teko – nde ra ani che ra,” jei ime pe.

Éxodo 14:11

Jare uñeengata reta Moisés pe jare jei reta chupe: “¿Maera pa orereru kua ɨwɨtini wasu pe opa numano waerä?” jei reta. “¿Aramoi ɨwɨ Egipto pe uata ra iko orewe ɨwɨ nuñeñotɨ waerä? ¿Maera pa orerenoe orereru ɨwɨ Egipto wi?” jei reta.

Éxodo 15:24

Jayawe Israel iñemoñaa reta umbɨpɨ iyengeta Moisés pe jare jei reta chupe: “¿Kiape pa nuwäeta ɨ ndou waerä añawe?” jei reta Moisés pe.

Éxodo 16:2

Joko pe ñonoï reta yawe, opaete wae umbɨpɨ ye iyengeta reta Moisés jare Aarón pe, jare jei chupe reta kuärái:

Éxodo 4:31

Jayawe Israel iñemoñaa itenondewa reta wɨrowia Tumpa ombou chupe reta Moisés jare Aarón wae. Jáeramo uñeñono reta ɨwɨ re uñemɨmichi rewe jare umbutuicha reta Tumpa jee. Echa’ä jae reta uikuaa ma Tumpa uecha kërái uiporara ñonoï reta jare uiparareko umae oï jese reta wae.

Éxodo 5:20

Jokua rambuewe, Moisés jare Aarón uäro yureko oka pe. Jayawe Israel iñemoñaa iparawɨkɨ itenondewa reta oë yuraa yawe mburuwicha wasu jëta wi, owäiti reta Moisés jare Aarón oka pe.

Números 14:22

Jáeramo che etei tae ndewe, jokua chererɨ̈ro wae reta ndarau yuraa uwäe reta jokua ɨwɨ ikawiete wae pe. Añetete uechata’äwe reta jokua ɨwɨ che jae tamɨkue reta pe ameeta tëi aiko chupe reta wae. Kua reta uecha tëi ma chembaepuere jupiete wae uyekuaa chupe reta tembipe uwerasɨ wae rami. Uecha reta tëi wi mbaembae chembaepuere tuicha wae rupi ayapo wae jae reta imaerä ɨwɨ Egipto pe jare kua ɨwɨtini wasu rupi wi. Jesewe payandepo wese ma omboporowa ñeño reta chepɨawasu, jare jekuaeño uyapo’ä reta che jae wae rupi,” jei chupe.

Números 14:3

“¡Erëi añawe Tumpa yandereraata jokua ɨwɨ Canaán pe opa ñamano waerä ñeräro pe! ¡Jukuärái yanderowaicho reta upɨ̈rota yandewi yanembireko reta jare yandesambiaɨ reta ipione retarä! ¡Ikawi ko ñañatima ye woi waerä ɨwɨ Egipto kotɨ!” jei reta Moisés jare Aarón pe.

1 Samuel 13:4

“Saúl umɨamɨri ma filisteo isɨndaro tëta wasu Gabaa pe yureko wae reta. Añawe jokua jeko pewa filisteo reta uñamɨtäaete ñonoï Israel pewa reta. Jayawe Saúl umbatɨka oï opaete Israel isɨndaro reta jae oï wae pe tëta wasu Gilgal pe.” Jukuärái umɨmbeu chupe reta.