Éxodo 5:1 - Biblia

¹ Joko wi Moisés jare Aarón yuraa reta mburuwicha wasu Egipto pewa jowai jare jei reta chupe: “Ore Israel iñemoñaa reta nduiko wae, oreTumpa ikoño mái wae jei ndewe kuärái: ‘Emaeño che aiparawo wae reta re oë yuraa reta waerä ɨwɨtini wasu kotɨ, joko pe uyapo reta waerä yemɨmandúa tembiu pewa cheree umbutuicha reta waerä.’ Jukuärái jei ndewe oreTumpa,” jei reta mburuwicha wasu pe.

Éxodo 5:1 Iomraidhean Croise

Éxodo 10:3

Jayawe Moisés jare Aarón yuraa reta mburuwicha wasu jowai, jare jei reta chupe: “Ore hebreo reta nduiko wae, oreTumpa ikoño mái wae jei ndewe kuärái: “¿Marái ramo ndipota’ä ñeño niñemɨmichi cherowai? Emaeño aiparawo wae reta re oë yuraa cheree umbutuicha reta waerä.

Éxodo 10:4

Erëi ndipota’ä ñeño yawe, kuriye woi ambouta tuku reta ndeɨwɨ pe.

Éxodo 10:9

Moisés jei chupe: “Opaetei ko ndoota. Kunumi reta wiwe jare indechi wae retawe, jare opaete kuimbae reta jare kuña reta yuraata. Opaete orerɨmba retawe nduraata wi ore ndiwe. Opaete ore nduyapota ko yemɨmandúa tembiu pewa oreTumpa jee numbutuicha waerä,” jei Moisés chupe.

Éxodo 3:18

Jare Tumpa jei wi chupe: “Jae reta uyapɨsakata nderé. Jare nde ndeota Israel iñemoñaa itenondewa reta ndiwe mburuwicha wasu jowai, jare ndereta chupe kuärái: ‘Ore hebreo reta nduiko wae, oreTumpa ikoño mái wae uyekuaa orewe. Jáeramo emaeño oreré noë nduwata waerä kua wi mbapɨ ara rupi ɨwɨtini wasu kotɨ. Joko pe orepuere nduyuka mbaemɨmba reta numee oreTumpa pewarä.’ Jukuärái ndereta chupe,” jei.

Éxodo 4:23

Jare che jae ma ndewe nemaeño waerä cheraɨrɨpɨ re oë oo cheree umbutuicha waerä. Erëi nde nemaeño’ä ma oë oo. Jáeramo añawe che ayukata aï ndewi nderaɨrɨpɨ,’ jei oreTumpa.’ Jukuärái ndereta mburuwicha wasu pe,” jei Tumpa Moisés pe.

Éxodo 7:16

“Ere mburuwicha wasu pe kuärái: ‘Ore hebreo reta nduiko wae, oreTumpa ikoño mái wae chembou nderowai amɨmbeu ndewe waerä jae iñee. Jae jei ndewe: ‘Israel iñemoñaa reta che aiparawo wae reta ko. Emaeño jese reta oë yuraa reta waerä ɨwɨtini wasu kotɨ, joko pe cheree umbutuicha reta waerä.’ Jukuärái oreTumpa jei tëi ndewe, erëi nde jekuaeño ndiyapɨsaka’ä jese.

Éxodo 7:2

“Ere nderɨkeɨ Aarón pe opaete che jae wae, jare jae jeita mburuwicha wasu pe umaeño waerä Israel iñemoñaa reta re oë yuraa ɨwɨ Egipto wi,” jei.

Éxodo 8:1

Jayawe Tumpa jei Moisés pe: “Ekua ye mburuwicha wasu jowai jare ere chupe: ‘OreTumpa jei ndewe kuärái: ‘Emaeño aiparawo wae reta re oë yuraa reta cheree umbutuicha reta waerä.

Éxodo 8:16

Jayawe Tumpa jei Moisés pe: “Ere Aarón pe tokua ɨwɨ re ipopoka pɨpe mbariwi uyekuaa waerä ɨwɨkuí wi opaete ɨwɨ Egipto rupi,” jei chupe.

Éxodo 8:17

Jayawe jukuärái uyapo reta. Aarón okua yawe ipopoka pɨpe ɨwɨ re, jawoi pewa opaete ɨwɨkuí wi uyeyapo jetaete ye ye mbariwi reta opaete ɨwɨ Egipto rupi. Jare mbariwi reta uichuu opaete kuimbae jare kuña ɨwɨ Egipto pewa reta jare jɨmba reta wi.

Éxodo 8:20

Tumpa jei Moisés pe: “Pepüa kuriye ndimboweasɨ, jare pekua peäro mburuwicha wasu jae oo oï yawe ɨ wasu pe. Jare pere chupe kuärái: ‘OreTumpa ikoño mái wae jei ndewe kuärái: ‘Emaeño che aiparawo wae reta re oë yuraa cheree umbutuicha reta waerä.

Éxodo 8:27

“Ore ndoota ko kua wi mbapɨ ara rupi ɨwɨtini wasu kotɨ nduyuka numee waerä mbaemɨmba reta oreTumpa ikoño mái wae pe kërái jae jei orewe wae rupi,” jei Moisés mburuwicha wasu pe.

Éxodo 9:1

Jayawe Tumpa jei Moisés pe: “Ekua ye mburuwicha wasu jowai jare ere chupe kuärái: ‘Ore hebreo reta nduiko wae, oreTumpa ikoño mái wae jei ndewe nemaeño waerä jae uiparawo wae reta re oë yuraa jae jee umbutuicha reta waerä.

Éxodo 9:2

Erëi imeño nembɨawái reta yawe jare nemaeño’ä oë yuraa reta yawe, Tumpa uiporarakata ndewe.

San Mateo 10:18

Jare cheré perowia ramo, pereraata wi mburuwicha reta jare mburuwicha wasu reta jowai pembɨjeko reta waerä. Erëi jokoropi jëwata pewe pemɨmbeu kawi waerä chupe reta jare judío mbae wae reta pe wi che rewa,” jei.

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

Hechos 4:29

“Añawe, oreRu Tumpa, nde ndikuaa neï kërái jae reta oremumburu ñonoï wae. Jáeramo, oremborɨ mii numɨmbeu waerä niñee ndukɨye mbae rewe, echa’ä ore nduipotaete nduyeyokui ndewe ramo,” jei reta.

1 Corintios 5:8

Jáeramo jekuaeño ko yayemɨmanduata Cristo uyapo yandewe wae re. Jare ¿kërái ra yayapota jokua? Awɨyeta ma ko yaiko ye teko kachi rupi. Imeta ko yaiko jupi rupi jare teko kawi rupi.