Éxodo 4:21 - Biblia

²¹ Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 4:21 Iomraidhean Croise

Génesis 6:3

Jayawe Tumpa jei: “Jokua tekowe amee wae mbaetɨta oï jaeño mái pewa rupi chupe reta, echa’ä jae reta ɨwɨ pewa retaño ko ramo. Jáeramo ameeta chupe reta jaeño 120 año ye,” jei.

Éxodo 10:1

Jaɨkue rupi Tumpa jei Moisés pe: “Ekua ye mburuwicha wasu jowai, echa’ä amɨtäta ye chuwi ipɨa jare imborɨa umbɨarakuaa wae reta ipɨa chuwi wi. Echa’ä aipota aikuaaka chupe reta chembaepuere mbaembae kɨyete pewa ayapo aï wae rupi,” jei chupe.

Éxodo 10:20

Erëitu Tumpa umɨtäta yewɨ mburuwicha wasu ipɨa chuwi. Jáeramo mburuwicha wasu umaeño’ä Israel iñemoñaa reta re oë yuraa waerä.

Éxodo 10:27

Erëi Tumpa umɨtäta yewɨ mburuwicha wasu ipɨa chuwi. Jáeramo mburuwicha wasu umaeño’ä jese reta oë yuraa waerä.

Éxodo 11:10

Jayawe yepe tëi Moisés jare Aarón uyapo Tumpa imbaepuere rupi jokua mbaembae mburuwicha wasu jowai, jesewe Tumpa jekuaeño umɨtäta mburuwicha wasu ipɨa chuwi. Jáeramo umaeño’ä Israel iñemoñaa reta re oë yuraa reta waerä ɨwɨ Egipto wi.

Éxodo 11:9

Tenonde yawe Tumpa jei ma Moisés pe: “Mburuwicha wasu uyapɨsakata’ä oï peré. Jayawe ayapota mbaembae kɨyete pewa ɨwɨ Egipto pe,” jei chupe.

Éxodo 14:17

“Mase, che amɨtätata sɨndaro reta ɨwɨ Egipto pewa ipɨa chuwi reta peraɨkuemoña reta waerä mar mbɨte rupi. Joko pe aechakata aï chembaepuere opaete ɨwɨ pewa reta pe perowaicho reta amɨamɨri wae rupi. Jae reta ko mburuwicha wasu, opaete isɨndaro reta, opaete ikarosa ñeräro pewa reta, jare opaete isɨndaro opo kawayu re wae reta wi. Amɨamɨri reta yawe, opaete ɨwɨ Egipto pewa reta uikuaata che ko jae opaete wae iYa,” jei Tumpa Moisés pe.

Éxodo 14:4

“Jare che amɨtäta yeta mburuwicha wasu ipɨa chuwi,” jei. “Jayawe jae peraɨkuemoñakata oï pepɨsɨka waerä tëi. Erëi che amɨamɨrita aï mburuwicha wasu jare opaete isɨndaro reta, jare jukuärái aikuaakata aï opaete ɨwɨ pewa reta pe chembaepuere. Taɨkue rupi opaete ɨwɨ Egipto pewa reta uikuaata che ko jae opaetei wae iYa,” jei Tumpa Moisés pe. Jayawe Israel iñemoñaa reta uyapo kërái Tumpa jei wae rupi.

Éxodo 14:8

Israel iñemoñaa reta oë yuraa yureko reta ɨwɨ Egipto wi upurumɨamɨri pota wae rami. Jare Tumpa umɨtäta chuwi mburuwicha wasu ɨwɨ Egipto pewa ipɨa. Jáeramo mburuwicha wasu isɨndaro reta ndiwe uaɨkuemoña Israel iñemoñaa reta.

Éxodo 3:19

“Erëi che aikuaa aï mburuwicha wasu Egipto pewa umaeñota’ä peré peo waerä. Jaeño chembaepuere rupi umaeñota oï peré,” jei.

Éxodo 3:20

“Jayawe chembaepuere rupi aiporarakata aï ɨwɨ Egipto pewa reta pe mbaembae ipuere mbaei kía uyapo wae pɨpe. Jayawe ramo mburuwicha wasu umaeñota peré peë peo waerä,” jei chupe.

Éxodo 7:13

Erëi jesewe mburuwicha wasu imeño ipɨatäta, jare uyapɨsaka’ä Moisés jare Aarón re kërái Tumpa jei rami.

Éxodo 7:3

“Erëi che amɨtätata mburuwicha wasu ipɨa chuwi. Yepe tëi che ayapota chupe mbaembae kɨyete pewa ɨwɨ Egipto pe, erëi jesewe jae uyapɨsakata’ä piñee re. Jáeramo aiporarakata jasɨ katuete rupi opaete ɨwɨ Egipto pewa reta pe. Jare anoeta kuri ɨwɨ Egipto wi Jacob doce taɨ pëti pëti iñemoñaa reta rupi. Echa’ä jae reta che aiparawo wae reta ko,” jei.

Éxodo 8:11

Pïte reta opata uyembɨsɨrɨ ndewi, nemborɨa nembɨarakuaa wae reta wi, jare opaete ndeɨwɨ pewa reta wi. Mbaetɨta pïte jembɨre; jaeño ɨ wasu pe ñonoïta,” jei Moisés chupe.

Éxodo 8:15

Erëi mburuwicha wasu uikuaa ma yawe opa umano pïte reta wae, ipɨatäta yewɨ jare uyapɨsaka’ä Moisés jare Aarón re kërái Tumpa jei uyeyapota wae rami.

Éxodo 8:32

Erëitu mburuwicha wasu jekuae uyembɨpɨatäta ye jare umaeño’ä Israel iñemoñaa reta re oë yuraa reta waerä.

Éxodo 9:12

Erëi Tumpa umɨtäta ye mburuwicha wasu ipɨa chuwi. Jayawe mburuwicha wasu uyapɨsaka’ä Moisés jare Aarón iñee re kërái Tumpa jei uyeyapota wae rami.

Éxodo 9:35

Mburuwicha wasu uyembɨpɨatäta ye jare umaeño’ä Israel iñemoñaa reta re oë yuraa waerä kërái Tumpa jei uyeyapota iko wae rami.

San Juan 12:40

Uyeyapo chupe reta kërái Isaías uikuatía ye wae rami. Echa’ä jae uikuatía kuärái: “Jokua ipɨatäta wae reta, Tumpa opa uesañoma rami ko awɨye waerä uikuaa kawi reta. Jare jae umbɨpɨatäta ma reta wi awɨye waerä uikuaa reta. Jukuärái Tumpa uyapo ma awɨye waerä jae reta uyerowa ikotɨ. ‘Añetete,’ jei Tumpa, ‘jae reta uyerowa chekotɨ yawe, aepɨta tëi reta,’ jei.”

Romanos 1:28

Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.

Romanos 9:18

Jayawe kua pe yaecha ñaï kërái Tumpa uiparareko jae uipota uiparareko wae, jare umbɨpɨatäta kía jae uipota umbɨpɨatäta wae.

1 Pedro 2:8

Jare jae nunga wi Cristo ikota pëti ita rami ipotawe wae kía ipɨsapäa jese waerä. Echa’ä jeta wae reta ipɨsapäata oa oo rami, jare jukuärái ndarau uepitɨ reta tekowe opa mbae wae. Kua nunga reta uyapɨsaka’ä Tumpa iñee re, jare jokua jeko pewa ipɨsapäa reta rami. Echa’ä Tumpa jeiño mái jokua uyeyapo waerä.