Éxodo 4:18 - Biblia

^18-19 Jayawe Moisés uñatima ye ɨwɨ Madián pe. Joko pe Tumpa jei chupe: “Awɨye ekɨye ndeo ye waerä ɨwɨ Egipto pe, echa’ä opa ma umano opaete jokua arakae uipota tëi ndeyuka wae reta,” jei chupe. Jayawe Moisés oo uyemɨngeta jowaya Jetro ndiwe, jare jei chupe: “Emaeño mii cheré a ye waerä ɨwɨ Egipto pe cherëtáɨwa reta ñonoï wae pe. Aipota aikuaa aï imeño ra iko reta wae,” jei chupe. Jare Jetro jei Moisés pe: “Ekuaño ndepɨawiwe rewe,” jei chupe.

Éxodo 4:18 Iomraidhean Croise

Génesis 45:3

Joko wi José jei tɨwɨ jare tɨkeɨ reta pe: “¡Che ko jae José! ¿Imeño pa iko yanderu?” upɨrandu chupe reta. Erëi omoë'ä pëti awe iñee tɨwɨ jare tɨkeɨ reta, echa’ä täta ukɨye reta uikuaa ma yawe jae ko José wae.

Éxodo 2:21

Jáeramo yuraa uparea reta Moisés pe oo ukaru waerä jae reta ndiwe. Jare Jetro uparea Moisés pe upɨta waerä jae reta ndiwe. Jokua ikawi iko Moisés pewarä. Jaɨkue rupi Jetro umee chupe tayɨ Séfora jee wae Moisés jembirekorä.

Éxodo 3:1

Pëti ara Moisés oo umɨngaru waerä jowaya Jetro iowecha reta. Jare wɨraa warasɨ uike wae kotɨ ɨwɨtini wasu kutɨ katu kapii ime wae pe. Jare wɨraa uruwäe reta ɨwɨtu wasu Horeb jee wae pe, jokua ɨwɨtu wasu Tumpa oñono tee jae imaerä wae pe.

San Lucas 7:50

Erëi Jesús jei kuña pe: “Yepe tëi jeta ndiyawɨ, erëi Tumpa nderepɨ ma chuwi cheré nderowia ramo. Ekua ndepɨakatu rewe,” jei chupe.

Hechos 15:36

Joko wi mbowɨ ara rupi Pablo jei Bernabé pe: “Ikawi ko ñañatima ye ya yapou waerä Cristo re wɨrowia wae reta ipɨ kiape kiape yandeYa iñee re yaporomboe wae rupi. Ya yaikuaa waerä kërái ra jae reta ñonoï wae,” jei chupe. Jare kua ikawi Bernabé pe.

Hechos 16:36

Jayawe jae umbeu yuapɨ ye kua ñee Pablo pe jare jei chupe: “Mburuwicha reta chokui apoi pewi waerä,” jei. “Jáeramo añawe pepuere peë peo ye pepɨawiwe rewe,” jei chupe.

1 Timoteo 6:1

Jare añawe che jae ndewe kuärái: Uyeyokui wae reta wɨrowia Cristo re yawe, tuipɨu reta ipatrón wi. Echa’ä uipɨu’ä reta yawe, aramoi ïru wae reta jeita tëi yandekotɨ: “Pe reta peporomboe wae rupi perɨ̈roka peï uyeyokui wae reta pe ipatrón kotɨ,” jeita. Jukuärái iñerata reta Tumpa kotɨ jare yaporomboe wae kotɨ. Jáeramo uyeyokui wae reta tuipɨu ipatrón wi.