Éxodo 4:12 - Biblia

¹² “¡Jáeramo ekua añawe! Che aïta nde ndiwe jare nomborɨta ndiyemɨngeta waerä. Aikuaakata ndewe opaete mbae ndereta wae,” jei Tumpa Moisés pe.

Éxodo 4:12 Iomraidhean Croise

Éxodo 3:12

Jayawe Tumpa jei chupe: “Añetete che aïta nde ndiwe,” jei. “Nenoeta reta ɨwɨ Egipto wi. Jare pe reta peyu yeta kua pe cheree pembutuicha waerä kua ɨwɨtu wasu re. Jare jokua uikuaakata che ko jae nomondo wae,” jei Tumpa chupe.

Éxodo 4:13

Erëi Moisés jei ye chupe: “CheTumpa, emondo mii ïru wae chepepɨka pe,” jei.

Éxodo 4:15

“Joko wi pe reta peo yeta ɨwɨ Egipto pe, jare joko pe nemɨmbeuta chupe mbaembae jei waerä. Che pomborɨta aï mokui rewe piyemɨngeta waerä, jare aikuaakata pewe mbaembae piyapo waerä,” jei chupe.

Éxodo 4:16

“Jayawe Aarón uyemɨngetata opaete wae pe ndepepɨka pe. Jare kërái che, ndeTumpa, aikuaaka ndewe mbaembae ndere waerä wae, jae ramiño wi nde ndikuaakata Aarón pe mbaembae jei waerä. Jae uyapɨsakata niñee re Tumpa iñee re uyapɨsaka oï rami,” jei.

Marcos 13:11

“Jare ïru wae reta pereraa yawe pemee waerä mburuwicha reta pe, awɨye piyembɨpɨa’ä mbae pere waerä. Echa’ä jokua ora etei Tumpa uikuaakata oï pewe mbae pere waerä. Jokuaño pere kuri, echa’ä Espíritu Santo etei pemborɨta oï piyemɨngeta waerä. Pe retaiño’ä ko piyemɨngetata peï,” jei chupe reta.

San Lucas 11:1

Pëti ara Jesús uyerure iko Tumpa pe. Jare opa ma uyerure yawe, pëti jemimboe jei chupe: “CheYa, Juan omboe jemimboe reta kërái uyerure waerä Tumpa pe. Jare ore nduipota wi nde oremboe waerä jukuärái,” jei chupe.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

Efesios 6:19

Jare piyerure mii cheré wi Tumpa pe, echa’ä añawe che aï peresorɨru pe. Jare oñono reta wi cheré cadena, echa’ä Tumpa jee re che amɨmbeuñoi iñee ikawi wae jeko pewa. Jokua ñee tenonde yawe Tumpa uikuaaka mbae iko wae. Erëi uikuaaka ma chewe. Jáeramo yepe tëi peresorɨru pe aiporara aï, jesewe jekuaeño amɨmbeuta ko jokua ñee. Jayawe piyerure mii Tumpa pe cheré chepuere waerä jekuaeño amɨmbeu jokua ñee akɨye mbae rewe.