Éxodo 4:11 - Biblia

¹¹ Jayawe Tumpa jei Moisés pe: “¿Kía pa uyapo ɨwɨ pewa reta iyururä? ¿Kía pa uyapo iyapɨsa mbae wae jare iñee mbae wae? ¿Kía pa umee ɨwɨ pewa reta pe jesarä jare uyapo jesa mbae wae? Jaeño che, ndeTumpa, chepuere ayapo,” jei chupe.

Éxodo 4:11 Iomraidhean Croise

Génesis 11:7

Jayawe Tumpa jei: “Yaweyɨ ye yambɨambɨe iñee chuwi reta awɨye pëti pëti wae uikuaa waerä japicha jei wae,” jei.

Génesis 18:14

“Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

San Mateo 11:5

Pere chupe kuärái: ‘Jesa mbae wae reta umae ma. Ipuere mbae uwata wae reta uwata ma. Ipire okui wae reta ukuera ma. Iyapɨsa mbae wae reta uyandu ma. Umanokue wae reta ikowe ye ma. Jare ikuasɨ wae reta uyandu ñonoï ñee ikawi wae.’ Jukuärái pere chupe,” jei chupe reta.

San Lucas 1:20

“Kua amɨmbeu ndewe wae uyeyapota ko ara Tumpa uiparawo wae ou uwäe yawe. Erëi nde nderowia’ä che jae ndewe wae ramo, añawe ndepɨtata neï niñee mbae jokua ara uwäe rewa,” jei araɨwa Zacarías pe.

San Lucas 1:64

¡Jare jupiwoiño Zacarías ipuere ye omoë iñee! Jayawe umbɨpɨ umbutuicha Tumpa jee.

San Juan 10:21

Erëi ïru wae reta jei: “Pëti kuimbae aña uyembɨiya jese wae ndarau ipuere uyemɨngeta jukuärái. Jare ndarau wi ipuere umɨmae jesa mbae wae reta,” jei reta.