Éxodo 32:4 - Biblia

⁴ Joko wi Aarón wɨraa opaete jokua namicha oro pewa reta jare umɨndɨkui tata pe. Jare upɨyere mbae waka raɨ echa wae jɨru jae uyapo wae pe. Jukuärái Aarón uyapo waka raɨ echa oro pewa. Jare Israel iñemoñaa reta uecha yawe jokua waka raɨraanga oro pewa, usapɨkai rewe jei reta: “¡Jokua ko jae yandetumpa yandereru ɨwɨ Egipto wi wae!” jei reta.

Éxodo 32:4 Iomraidhean Croise

Éxodo 20:2

“Che ko jae peTumpa aikoño mái wae ponoe ɨwɨ Egipto wi wae. Joko pe täta piyeyokuise Egipto pewa reta pe,” jei.

Éxodo 20:4

“Awɨye piyapo peyupe mbae petumparaangarä – mbaembae ara pe ñonoï wae jaanga, jare mbaembae ɨwɨ pe ñonoï wae jaanga, jare mbaembae ɨ pe ñonoï wae jaanga awɨye piyapo peyupe.

Éxodo 32:1

Moisés ɨma ara rupi upɨta jokua ɨwɨtu wasu re. Jayawe Israel iñemoñaa reta jei iyupe: “Ndarau ma ou ye,” jei iyupe reta. Jáeramo jeta wae yuraa uyembatɨ reta Aarón oï wae pe jare jei reta chupe: “Mase, ekua iyapo yandewe yandetumparä yandereruwata waerä. Echa’ä jokua Moisés yandereru ɨwɨ Egipto wi wae, yaikuaa’ä mbae ra uasa chupe wae,” jei reta Aarón pe.

Éxodo 32:3

Jáeramo opaete wae ueki reta inamicha oro pewa iyuwi jare ueru reta Aarón pe.

Éxodo 32:5

Jare Aarón uikuaa yawe jae reta uyapo ñonoï wae, jayawe uyapo mbaerenda waka raɨ oro pewa jowai jare umɨmbeu chupe reta: “Kuriye yayapota arete yambutuicha waerä Tumpa jee,” jei chupe reta.

Éxodo 32:7

Jayawe ɨwɨtu wasu re Tumpa jei Moisés pe: “¡Eweyɨ ye ekua ɨmambae! Echa’ä jokua nenoe ɨwɨ Egipto wi wae reta opa ma uyererukachi ñonoï,” jei chupe.

Éxodo 32:8

“Ɨmambaete rupi iñakañɨ reta chiñee wi. Uyapoka ma iyupe reta itumparaangarä, waka raɨraanga ko. Jare umbɨadora ñonoï jese jare uyuka mbaemɨmba reta umee reta waerä chupe. Jare jei wi ñonoï reta: ‘Jokua ko jae yandetumpa ñanerenoe ɨwɨ Egipto wi wae,’ jei ñonoï reta,” jei chupe.

Hechos 17:29

“Añetete yawe yande ko jae Tumpa taɨ reta, jáeramo ndarau ikawi yarowia waerä Tumpa ko jae mbae oro pewa, jare korepoti jiero pewa, jare ita pewa. Mase, kuimbae reta iyarakuaa rupiño ko uyapo reta jokua nunga ipo pe,” jei.

Hechos 7:41

“Jayawe uyapo reta iyupe waka raɨraanga itumparä, jare uyuka reta mbaemɨmba umee chupe waerä. Jare uyerowiaete reta, echa’ä ipo pe etei uyapo reta iyupe itumparaangarä ramo. Jáeramo uyapo reta chupe arete wasu,” jei.

1 Corintios 10:7

Jayawe awɨye mii pembɨadora tumparaanga reta re kërái jeta jae reta uyapo wae rami. Tumpa iñeerɨru pe uikuaaka yandewe kërái mbae jae reta uyapo wae rewa kuärái: “Uwapɨ reta tumparaanga jowai ukaru jare ukau reta waerä. Joko wi upüa jare uyapo reta mbae kachi wae imara mbae rewe.” Jukuärái uyekuatía oï.