Éxodo 32:19 - Biblia

¹⁹ Jayawe Moisés oya katu ou yawe jese reta, uecha waka raɨraanga jare Israel iñemoñaa reta upɨrae ñonoï wae. Jare Moisés pochɨete ramo, omombo ɨwɨ re jokua mokui ita ipe kawi wae reta. Jukuärái opa oyoka ɨwɨtu wasu iyɨpɨ pe.

Éxodo 32:19 Iomraidhean Croise

Éxodo 15:20

Jaɨkue rupi Aarón jindɨ María jee wae – pëti Tumpa iñee umɨmbeu wae ko – ombopu pëti angúa raɨ. Jare opaete kuña reta yuraa María jaɨkue jare opa rewe ombopu angúa raɨ jare upɨrae reta.

Éxodo 32:11

Erëi Moisés uyerure Tumpa pe umbɨpɨakatu ye waerä, jare jei chupe: “CheTumpa ndikoño mái wae, Israel iñemoñaa reta ko jae ndiparawo wae reta. Opaete ore nduecha nembaepuerete rupi nde orerenoe ɨwɨ Egipto wi. ¿Maera pa ndepochɨete neï chupe reta?” jei.

Éxodo 32:18

Erëi Moisés jei chupe: “Upurumɨamɨri wae reta usapɨkai uyerowia rewe wae’ä ko. Jare jamɨri wae reta uyao ipɨatɨtɨ rewe wae’ä ko wi. Jokua ko jae arete pe ñonoï wae reta itaerari,” jei chupe.

Éxodo 34:1

Tumpa jei Moisés pe: “Iyapɨkatu mokui ita ipe kawi wae jokua tenonde wae reta rami,” jei. “Jare che etei aikuatiata jese jokua nunga ñee ime iko jokua ïru tenonde ndiyoka wae re,” jei chupe.

Jeremías 31:32

Kua mbaetɨta ko jokua yemɨngeta ayapo tamɨkue reta ndiwe wae rami, jokua ara che opa anoe aru reta yawe ɨwɨ Egipto wi. Echa’ä jae reta uyapo’ä jokua upɨta tëi uyapo reta waerä wae. Jukuärái uyapo reta yepe tëi che ayandareko jese reta pëti kuimbae uyandareko jembireko re rami.

San Mateo 5:22

“Erëi che tae pewe wi, ime yawe kía aramoi waeño pochɨ oï japicha pe wae, jae teko pe ma oï wi jare jokua re uiporarata oï,” jei. “Jae ramiño wi ime yawe kía japicha pe jei, ‘Usiriwe mbae’ wae, jupi ko jae onoi waerä tëi teko mburuwicha reta jowai. Jare che tae pewe wi, ime yawe kía japicha pe jei, ‘Nesöso’ wae, jae jupi ko uiporara waerä Tatawasurenda pe,” jei chupe reta.

Marcos 10:14

Erëi Jesús kua uyandu yawe, pochɨ jemimboe reta pe jare jei chupe reta: “Pemaeño sambiaɨ reta re yuweru waerä chekotɨ. Awɨye piyopia reta, echa’ä jaeño kua sambiaɨ rami wae reta oïta Tumpa ndiwe, Tumpa oï ma yawe opaete wae imburuwicha wasurä,” jei chupe reta.

Marcos 3:5

Jayawe pochɨ rewe Jesús umae iyɨpɨ rupi ñonoï wae reta re, jare tuicha ipɨatɨtɨ jae reta ipɨatäta ramo. Jayawe jei kuimbae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi.

1 Corintios 10:7

Jayawe awɨye mii pembɨadora tumparaanga reta re kërái jeta jae reta uyapo wae rami. Tumpa iñeerɨru pe uikuaaka yandewe kërái mbae jae reta uyapo wae rewa kuärái: “Uwapɨ reta tumparaanga jowai ukaru jare ukau reta waerä. Joko wi upüa jare uyapo reta mbae kachi wae imara mbae rewe.” Jukuärái uyekuatía oï.

Efesios 4:26

Aramoi kía ndiwe pepochɨ yawe, piyandareko kawi piyé awɨye waerä piyawɨ Tumpa kotɨ. Jayawe piyeapɨkatu jawoi pewa ndei ara uasa mbowe.