Éxodo 32:1 - Biblia

¹ Moisés ɨma ara rupi upɨta jokua ɨwɨtu wasu re. Jayawe Israel iñemoñaa reta jei iyupe: “Ndarau ma ou ye,” jei iyupe reta. Jáeramo jeta wae yuraa uyembatɨ reta Aarón oï wae pe jare jei reta chupe: “Mase, ekua iyapo yandewe yandetumparä yandereruwata waerä. Echa’ä jokua Moisés yandereru ɨwɨ Egipto wi wae, yaikuaa’ä mbae ra uasa chupe wae,” jei reta Aarón pe.

Éxodo 32:1 Iomraidhean Croise

Génesis 19:14

Jáeramo Lot oë oo umɨmbeu waerä jowayarä wae reta pe, tayɨ reta ndiwe umendata tëi iko wae, jare jei chupe reta: “¡Peë wɨrae kua wi! ¡Echa’ä Tumpa opata umbái oï kua tëta wasu!” jei chupe reta. Erëi jowayarä wae reta uyapɨsaka’ä jae jei chupe reta wae re, echa’ä wɨrowia tëi reta Lot imachiño oï wae.

Génesis 39:8

Erëi José jei kuña pe: “¡Aipota’ä!” jei. “Mase, cheya uyembɨpɨa’ä mbae re awe, echa’ä oñono chepo pe opaete imbaembae reta,” jei.

Génesis 44:15

José upɨrandu chupe reta: “¿Maera pa kua piyapo chekotɨ? ¿Aramoi pikuaa’ä yerá piko che ko jae mburuwicha iyarakuaa katu wae? ¿Pikuaa’ä yerá piko chepuere aikuaa chechoropa rupi mbaembae ïru wae reta uyapo wɨari chekotɨ wae?” jei chupe reta.

Génesis 44:4

Erëi ndei yuraa mbɨrɨ mbowe tëta wasu wi, José oyokui jëta pe uparawɨkɨ wae reta itenondewa jare jei chupe: “¡Ekua jokua kuimbae reta jaɨkue! Jare ndeo ndepitɨ reta yawe, ere chupe reta kuärái: “¿Maera pa pemɨñatima ye ikawi mbae wae ikawi uyapo pewe wae pe?

Éxodo 13:21

Jare ara rupi Tumpa oo jae reta jenonde amapɨ̈tu tuicha uyemboɨ wae echa uruwata reta waerä. Jare pɨ̈tu rupi uyekuaa chupe reta tata echa rami umbɨembipe waerä chupe reta. Jukuärái Israel iñemoñaa reta ipuere waerä uwata ara rupi jare pɨ̈tu rupi wi.

Éxodo 14:11

Jare uñeengata reta Moisés pe jare jei reta chupe: “¿Maera pa orereru kua ɨwɨtini wasu pe opa numano waerä?” jei reta. “¿Aramoi ɨwɨ Egipto pe uata ra iko orewe ɨwɨ nuñeñotɨ waerä? ¿Maera pa orerenoe orereru ɨwɨ Egipto wi?” jei reta.

Éxodo 16:3

“¡Ikawita tëi ko ndupɨtaño waerä ɨwɨ Egipto pe!” jei reta. “¡Ikawita tëi ko Tumpa upɨ̈ro waerä orerekowe ɨwɨ Egipto pe! Erëi pe reta orereru kua ɨwɨtini wasu pe orerowaruru numano waerä. Erëi ɨwɨ Egipto pe uata’ä etei iko orewe orerembiurä,” jei reta Moisés jare Aarón pe.

Éxodo 24:12

Tumpa jei Moisés pe: “Iyupi eyu kua ɨwɨtu wasu re chekotɨ. Jare kua pe neï rambuewe, che ameeta ndewe mokui ita ipe kawi wae chiñee aikuatía jese wae. Jokua re nemboeta opaete Israel iñemoñaa reta,” jei chupe.

Éxodo 24:18

Jayawe Moisés uyupi uike oo amapɨ̈tu oï wae pe. Joko pe Moisés upɨta cuarenta ara jare cuarenta pɨ̈tu rupi.

Éxodo 32:11

Erëi Moisés uyerure Tumpa pe umbɨpɨakatu ye waerä, jare jei chupe: “CheTumpa ndikoño mái wae, Israel iñemoñaa reta ko jae ndiparawo wae reta. Opaete ore nduecha nembaepuerete rupi nde orerenoe ɨwɨ Egipto wi. ¿Maera pa ndepochɨete neï chupe reta?” jei.

Éxodo 32:7

Jayawe ɨwɨtu wasu re Tumpa jei Moisés pe: “¡Eweyɨ ye ekua ɨmambae! Echa’ä jokua nenoe ɨwɨ Egipto wi wae reta opa ma uyererukachi ñonoï,” jei chupe.

Números 14:22

Jáeramo che etei tae ndewe, jokua chererɨ̈ro wae reta ndarau yuraa uwäe reta jokua ɨwɨ ikawiete wae pe. Añetete uechata’äwe reta jokua ɨwɨ che jae tamɨkue reta pe ameeta tëi aiko chupe reta wae. Kua reta uecha tëi ma chembaepuere jupiete wae uyekuaa chupe reta tembipe uwerasɨ wae rami. Uecha reta tëi wi mbaembae chembaepuere tuicha wae rupi ayapo wae jae reta imaerä ɨwɨ Egipto pe jare kua ɨwɨtini wasu rupi wi. Jesewe payandepo wese ma omboporowa ñeño reta chepɨawasu, jare jekuaeño uyapo’ä reta che jae wae rupi,” jei chupe.

San Mateo 24:43

“Che aipota pikuaa kawi waerä kua: pëti tëta iya uikuaa yawe mbae nunga ora etei ra outa imonda wae oñomi waerä chuwi imbaembae, jae ndarau etei oke jare ndarau wi umaeño imonda wae re uike waerä jëta pe,” jei.

San Mateo 24:48

“Erëi aramoi jokua uyeyokui wae uyapota ikawi mbae wae, jare jeita iyupe: ‘Karái ndarau ou ye ɨmambae,’ jeita.

Hechos 17:29

“Añetete yawe yande ko jae Tumpa taɨ reta, jáeramo ndarau ikawi yarowia waerä Tumpa ko jae mbae oro pewa, jare korepoti jiero pewa, jare ita pewa. Mase, kuimbae reta iyarakuaa rupiño ko uyapo reta jokua nunga ipo pe,” jei.

Hechos 19:26

“Mase, pe reta pecha jare piyandu ma kërái jokua kuimbae Pablo jee wae umbɨpɨambɨeka oï jeta wae reta. Jae wɨrowiaka ma jeta wae reta pe kua Éfeso pe jare opaete ɨwɨ Asia rupi kërái tumparaanga reta kuimbae reta uyapo ipo pe wae tumpa reta’ä ko,” jei.

Hechos 7:40

Jare jei reta Aarón pe: ‘Iyapo yandewe yandetumparä yandereruwata waerä. Echa’ä jokua Moisés yandereru ɨwɨ Egipto wi wae, yaikuaa’ä mbae ra uasa chupe wae,’ jei reta Aarón pe.

2 Pedro 3:4

Jare jeita reta tëi kuärái: “¿Mbae ra uasa Cristo ou yeta tëi iko wae? Echa’ä yanderamɨkue reta uäro tëi yureko wae opa ma umano. Opaete mbaembae jaewɨraweño oï kua ɨwɨ Tumpa uyapo ramo wiwe,” jeita reta tëi upuka rewe.