Éxodo 30:1 - Biblia

¹ Tumpa jei wi Moisés pe: “Iyapoka wi pëti mbaerenda ɨwɨra acacia pewa peapɨ jese waerä mbaembae utimbo kawi wae chemaerä,” jei.

Éxodo 30:1 Iomraidhean Croise

Éxodo 30:2

“Ndiyapokata ko mbaerenda irundɨ itiäkua wae kuärái: cuarenta y cinco centímetro puku wae, jare cuarenta y cinco centímetro ipɨwasu wae, jare noventa centímetro ɨwate wae,” jei. “Mbaerenda irundɨ itiäkua reta iáramo tuiko wakaräti echa rami, jare tuyeyapo pëti wae wiño mbaerenda wi.

Hebreos 9:4

Joko pe iko mbaerenda oro pewa mbae utimbo kawi wae sacerdote reta uapɨ jese wae, jare Tumpa arakae jei wae yemɨmandúa jɨru. Jokua jɨru ɨwɨra pewa ko, erëi opaete ikupe rupi iko oro yepái. Jare jɨru japɨpe ime iko mbapɨ mbaembae: Pëti wae ko jae yapepo oro pewa maná oï pɨpe wae. Ïru wae ko jae Aarón ipopoka jokɨ wae. Jare taɨkuewaete ko jae mokui ita ipe kawi wae – jae ko jokua ita jese Tumpa uikuatía kërái jae reta yurekota ko jokua yemɨngeta rupi wae.

Apocalipsis 8:3

Jare ou ïru araɨwa uyemboɨ Tumpa iwapɨa jowai, mbaerenda mbae utimbo kawi wae uyeapɨ jese wae iyɨpɨ pe. Jokua mbaerenda oro pewa ko. Jare araɨwa onoi ipo pe pëti jɨru oro pewa mbae utimbo kawi wae uapɨ pɨpe wae. Jare uñemee chupe jeta mbae utimbo kawi wae uapɨ waerä mbaerenda re Tumpa jowai. Jare jae uapɨ yawe, jatäti uyeupi päwe Cristo re wɨrowia wae reta iyerure ndiwe Tumpa jowai.