Éxodo 3:9 - Biblia

⁹ Jare Tumpa jei wi chupe: “Mase, aiparareko ayandu yawe Israel iñemoñaa reta iyao,” jei. “Aecha wi ɨwɨ Egipto pewa reta kërái urukuasɨete Israel iñemoñaa reta,” jei.

Éxodo 3:9 Iomraidhean Croise

Génesis 16:11

“Añawe ndepurúa neï jare oata nemembɨ kuimbae. Nembɨjeeta Ismael, echa’ä Tumpa uyandu ma tuicha ndepɨatɨtɨ rewe ndiyao wae,” jei.

Éxodo 1:11

Jáeramo jae reta uyapo Israel iñemoñaa reta ipione retarä täta uyeyokui chupe waerä. Oñono reta wi upurumɨmbarawɨkɨ wae reta umɨmbarawɨkɨ täta waerä Israel iñemoñaa reta umbɨawái reta waerä tëi. Jukuärái Israel iñemoñaa reta uparawɨkɨ täta rupi uyapo mburuwicha wasu pewarä mokui tëta wasu, Pitón jare Ramesés jee wae reta. Jokua tëta wasu reta pe mburuwicha wasu upika tembiurä jare ïru mbaembae reta wi.

Éxodo 1:22

Jáeramo mburuwicha wasu oyokui opaete ɨwɨ Egipto pewa reta jare jei chupe reta: “Pemombo kuri ɨ wasu Nilo pe opaete sambiaɨ kuimbae hebreo jaeramo oa wae reta. Erëi oa yawe sambiaɨ kuña, pemaeño tuiko,” jei mburuwicha wasu chupe reta.

Éxodo 1:8

Jeta año ma uasa yawe, ɨwɨ Egipto pe uyeyapo ambɨe mburuwicha wasurä uikuaa’ä etei José rewa wae.

Éxodo 2:23

Jeta año ma uasa yawe, mburuwicha wasu Egipto pewa umano. Erëitu Israel iñemoñaa reta jekuaeño uiporaraete reta, echa’ä tätaete uyeyokui Egipto pewa reta pe. Jáeramo Israel iñemoñaa reta uyerure iñeeäta rewe Tumpa pe omborɨ reta waerä. Jare Tumpa uyandu uyerure reta wae.

Éxodo 2:25

Tumpa uiparareko uecha yawe Israel iñemoñaa reta ikuasɨete oï; jáeramo uipota omborɨ reta.

Éxodo 3:7

Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei.