Éxodo 3:8 - Biblia

⁸ “Jáeramo che ayu aepɨ reta waerä ɨwɨ Egipto pewa reta wi,” jei. “Che anoeta reta jokua ɨwɨ Egipto wi araa waerä pëti ɨwɨ ikawiete wae pe kiape uyekouta ñonoï wae,” jei. “Jokua ɨwɨ pe ñonoï cananeo jee wae reta, jare heteo jee wae reta, jare amorreo jee wae reta, jare ferezeo jee wae reta, jare heveo jee wae reta, jare jebuseo jee wae reta,” jei Tumpa Moisés pe.

Éxodo 3:8 Iomraidhean Croise

Génesis 11:5

Jayawe Tumpa uweyɨ ou umae waerä jokua tëta wasu re jare jokua tëta ɨwatete wae uyapo yureko reta wae re.

Génesis 11:7

Jayawe Tumpa jei: “Yaweyɨ ye yambɨambɨe iñee chuwi reta awɨye pëti pëti wae uikuaa waerä japicha jei wae,” jei.

Génesis 15:13

Jare Tumpa umɨngeta Abram ipau pe jare jei chupe: “Ikuaa kawi nde kuärái: Niñemoñaa reta uiporarata ñonoï irundɨ chiëto año rupi ambɨe ɨwɨ pewa reta iɨwɨ pe. Jokua ɨwɨ pewa reta uyapota ipione retarä täta rupi uyeyokui chupe reta waerä,” jei.

Génesis 15:14

“Erëi che aiporarakata aï jokua ɨwɨ pewa reta pe, jare joko wi niñemoñaa reta oëta yuraa jokua ɨwɨ wi jeta mbaembae ikawiete wae rewe,” jei.

Génesis 18:21

Jáeramo ata aï joko pe aikuaa waerä añetete ra jokua. Jukuärái aikuaata mbae ayapota wae,” jei chupe.

Génesis 43:11

Jayawe Jacob jei taɨ reta pe: “Jukuäraita yawe, peraa jayawe amokue mbaembae ikawi wae kua yandeɨwɨ pewa pemee waerä mburuwicha pe,” jei. “Peraa pemee chupe mbaembae utimbo kawi wae, jare ɨwɨrayaɨsɨ bálsamo jare mirra, jare ei, jare sara reta, jare ɨwɨra almendra ía reta,” jei.

Génesis 46:4

“Che numɨïruta ɨwɨ Egipto pe, jare joko pe nderaɨ José ikota nde ndiwe nemano rewa. Erëi anoe yeta aru ye aï niñemoñaa reta kua ɨwɨ Canaán pe,” jei Tumpa Jacob pe.

Éxodo 12:41

Jare 430 año ara uwäe yawe, jokua ara etei oë yuraa reta ɨwɨ Egipto wi.

Éxodo 12:51

Jare jokua ara etei Tumpa onoe reta ɨwɨ Egipto wi Jacob doce taɨ tee tee iñemoñaa reta rupi.

Éxodo 13:5

“Tumpa jei peramɨkue reta pe umeeta iko pewe cananeo reta, heteo reta, amorreo reta, heveo reta, jare jebuseo reta iɨwɨ pemaerä. Jayawe Tumpa peruwäe ma yawe jokua ɨwɨ ikawiete wae pe, piyapota ko kua yemɨmandúa mbɨyape levadura mbae pewa. Jukuäraita ko piyapo kua tenondewa yasɨ pe etei añawe wiwe opa año rupi.

Éxodo 3:17

Jáeramo che ponoeta ɨwɨ Egipto wi jare puraata pëti ɨwɨ ikawiete wae pe kiape piyekouta peï wae. Jokua ɨwɨ pe ñonoï cananeo jee wae reta, heteo jee wae reta, amorreo jee wae reta, ferezeo jee wae reta, heveo jee wae reta, jare jebuseo jee wae reta.’ Jukuärái ere chupe reta,” jei Tumpa Moisés pe.

Éxodo 5:23

Che a amɨmbeu chupe niñee wiwe, mburuwicha wasu jeiete ma urukuasɨete reta. Jare nde ndepɨ'ä etei neï reta,” jei Moisés Tumpa pe.

Números 13:18

“Pemae kawi opaete jokua ɨwɨ re jare jokua ɨwɨ pewa reta re pikuaa kawi waerä jae reta ipɨräta ra ani ipɨräta’ä ra, jare jeta ra reta ani mbowɨño ra reta.

Números 13:19

Pemae kawi wi jae reta iɨwɨ re, ¿ikawi ra ani ikawi’ä ra? Jare pemae wi jëta wasu reta re, ¿uñekëse ra oï jëta wasu reta, ani ikëse mbae ra oï?

Números 13:27

Joko wi jei reta Moisés pe: “Ndoo ma jokua ɨwɨ pe nde oremondo wae pe. Añetete jokua ɨwɨ ikawiete ye ko,” jei reta. “Mase, kua ko jae mbaewɨye ikawi wae jokua ɨwɨ pewa,” jei reta chupe.

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.