Éxodo 3:7 - Biblia

⁷ Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei.

Éxodo 3:7 Iomraidhean Croise

Génesis 16:11

“Añawe ndepurúa neï jare oata nemembɨ kuimbae. Nembɨjeeta Ismael, echa’ä Tumpa uyandu ma tuicha ndepɨatɨtɨ rewe ndiyao wae,” jei.

Génesis 18:21

Jáeramo ata aï joko pe aikuaa waerä añetete ra jokua. Jukuärái aikuaata mbae ayapota wae,” jei chupe.

Éxodo 1:11

Jáeramo jae reta uyapo Israel iñemoñaa reta ipione retarä täta uyeyokui chupe waerä. Oñono reta wi upurumɨmbarawɨkɨ wae reta umɨmbarawɨkɨ täta waerä Israel iñemoñaa reta umbɨawái reta waerä tëi. Jukuärái Israel iñemoñaa reta uparawɨkɨ täta rupi uyapo mburuwicha wasu pewarä mokui tëta wasu, Pitón jare Ramesés jee wae reta. Jokua tëta wasu reta pe mburuwicha wasu upika tembiurä jare ïru mbaembae reta wi.

Éxodo 1:8

Jeta año ma uasa yawe, ɨwɨ Egipto pe uyeyapo ambɨe mburuwicha wasurä uikuaa’ä etei José rewa wae.

Éxodo 5:10

Jayawe upurumɨmbarawɨkɨ wae reta jare Israel iñemoñaa iparawɨkɨ itenondewa reta yuraa umɨmbeu pione reta pe, jare jei chupe reta: “Mburuwicha wasu jei añawe wiwe uñemeeta’ä ma pewe kapii,” jei chupe reta.

Éxodo 5:6

Jayawe jokua ara etei mburuwicha wasu umbatɨka opaete upurumɨmbarawɨkɨ wae reta, jare umbatɨka wi Israel iñemoñaa iparawɨkɨ itenondewa reta. Jare oyokui reta kuärái:

Hechos 7:34

‘Che aecha aï kërái uiporara ñonoï aiparawo wae reta ɨwɨ Egipto pe. Ayandu ma ipüe ñonoï ikuasɨ katu rewe. Jáeramo che ayu ma aepɨ reta waerä ɨwɨ Egipto pewa reta wi,’ jei. ‘Jayawe iyeyapɨkatu woi ndeo waerä ɨwɨ Egipto pe.’ Jukuärái jei Tumpa Moisés pe,” jei.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.