Éxodo 3:6 - Biblia

⁶ “Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

Éxodo 3:6 Iomraidhean Croise

Génesis 12:1

Pëti ara Tumpa jei Abram pe: “Eë jare eya kua ndeɨwɨ jare nerëtáɨwa reta jare nderu jëta, jare ekua pëti ɨwɨ aikuaakata aï ndewe wae pe.

Génesis 12:7

Joko pe Tumpa uyekuaa Abram pe jare jei chupe: “Niñemoñaa reta pe ameeta aï kua ɨwɨ,” jei. Jayawe Abram joko pe uyapo pëti mbaerenda ita pewa Tumpa jee umbutuicha waerä, echa’ä joko pe Tumpa uyekuaa chupe ramo.

Génesis 17:3

Jayawe Abram uñeñono ɨwɨ re uipɨu rewe. Jare Tumpa jei chupe: “Che ayapo aï pëti yemɨngeta ikawi wae nde ndiwe. Jetaeteta ko niñemoñaa reta jare jae reta uyeyapota jeta ambɨe ɨwɨ pewa retarä,” jei chupe.

Génesis 28:13

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Génesis 28:17

Jáeramo Jacob ukɨyete jare jei iyupe: “¡Kɨyete pewa ko kua ɨwɨ! Echa’ä uñeñono tee yepe oï Tumpa pewarä, jare ara jöke rami etei ko,” jei.

Éxodo 15:2

Tumpa jae chemɨmɨräta wae ko; jáeramo che akätata chupe. Jae ko cheTumpa cherepɨ wae. Jae jeeño tambutuicha. Jae ko cherukue iTumpa wi. Tambutuicha jae jee.

Éxodo 3:16

“Ekua embatɨ Israel iñemoñaa itenondewa reta, jare ere chupe reta kuärái: ‘Tumpa ikoño mái wae – jae ko yanderamɨkue reta Abraham, Isaac, jare Jacob iTumpa – uyekuaa chewe jare jei chewe kuärái: ‘Aikuaa aï kërái pe Israel iñemoñaa piko wae reta piporara peï ɨwɨ Egipto pewa reta ipo pe wae. Jare aiparareko amae peré.

Éxodo 4:5

Jare Tumpa jei chupe: “Kua iyapo Israel iñemoñaa itenondewa reta jowai, jae reta wɨrowia waerä peramɨkue reta Abraham, Isaac, jare Jacob iTumpa ko uyekuaa ndewe wae,” jei.

Jeremías 31:33

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

San Mateo 17:6

Jare Jesús jemimboe reta kua uyandu yawe, ukɨyete jare oa reta ɨwɨ re uipɨu rewe.

San Mateo 22:32

Echa’ä jei kuärái: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei yepe tëi yanderamɨkue reta arakaete ye ma opa umano,” jei. “Añetete umanokue wae reta mbaetɨ yawe onoi tekowe, jayawe Tumpa ndarau jei tëi jae ko jae reta iTumpa wae, echa’ä jae ko ime tekowe onoi wae reta iTumpa,” jei. “Jayawe kua uikuaaka yandewe yanderamɨkue reta imeño yepe tekowe onoi,” jei Jesús saduceo reta pe.

Marcos 12:26

“¿Pemɨngeta’ä yerá Moisés arakae uikuatía wae? Joko pe jei sɨmi umanokue wae reta ikowe yeta wae rewa,” jei. “Echa’ä uyekuatía oï kërái Tumpa jei yái jendɨ wae wi Moisés pe wae. Jei chupe: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei Moisés pe yepe tëi Moisés tamɨkue reta arakaete ye ma opa umano,” jei.

San Lucas 20:37

“Tamɨmbeu pewe kërái ko umanokue wae reta. Jae reta ikowe yeta ko,” jei. “Jukuärái Moisés arakae uikuaaka yandewe. Echa’ä jae uikuatía kërái Tumpa ikoño mái wae jei chupe yái jendɨ wae wi: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei Moisés pe yepe tëi Moisés tamɨkue reta arakaete ye ma opa umano,” jei.

San Lucas 5:8

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

Hechos 7:32

Jare yandeYa jei chupe: ‘Che ko jae nderamɨkue reta Abraham, Isaac, jare Jacob iTumpa,’ jei chupe. Jayawe Moisés uyandu yawe kua ñee, urɨrɨ ukɨyete ramo, jare uipɨuete umae waerä jese,” jei Esteban chupe reta.

Hechos 7:34

‘Che aecha aï kërái uiporara ñonoï aiparawo wae reta ɨwɨ Egipto pe. Ayandu ma ipüe ñonoï ikuasɨ katu rewe. Jáeramo che ayu ma aepɨ reta waerä ɨwɨ Egipto pewa reta wi,’ jei. ‘Jayawe iyeyapɨkatu woi ndeo waerä ɨwɨ Egipto pe.’ Jukuärái jei Tumpa Moisés pe,” jei.

Hebreos 11:16

Erëi jukuärai’ä uyapo reta. Jae reta ikɨrëɨete yureko pëti ɨwɨ ikawiete ye wae pe – jae ko ɨwɨ ara pe oï wae pe. Jáeramo Tumpa uyerowiaete jae reta iTumparä iko ramo. Jukuärái yaikuaa, echa’ä Tumpa uyapɨkatu pëti tëta wasu jae reta imaerä ara pe.

Hebreos 12:21

Añetete jokua ɨwɨtu wasu re uyekuaa wae kɨye pewaete ko. Jáeramo Moisés etei jei: “Che arɨrɨete aï akɨye ramo,” jei.

Apocalipsis 1:17

Jare aecha yawe, aa parawete ɨwɨ re jae jowai jare apɨta amano wae rami. Jayawe jae oñono ipo iyakata kotɨwa cheré, jare jei chewe: “Awɨye ekɨye. Che ko jae tenondewaete wae jare taɨkuewaete wae,” jei.