Éxodo 3:17 - Biblia

¹⁷ Jáeramo che ponoeta ɨwɨ Egipto wi jare puraata pëti ɨwɨ ikawiete wae pe kiape piyekouta peï wae. Jokua ɨwɨ pe ñonoï cananeo jee wae reta, heteo jee wae reta, amorreo jee wae reta, ferezeo jee wae reta, heveo jee wae reta, jare jebuseo jee wae reta.’ Jukuärái ere chupe reta,” jei Tumpa Moisés pe.

Éxodo 3:17 Iomraidhean Croise

Génesis 46:4

“Che numɨïruta ɨwɨ Egipto pe, jare joko pe nderaɨ José ikota nde ndiwe nemano rewa. Erëi anoe yeta aru ye aï niñemoñaa reta kua ɨwɨ Canaán pe,” jei Tumpa Jacob pe.

Éxodo 13:5

“Tumpa jei peramɨkue reta pe umeeta iko pewe cananeo reta, heteo reta, amorreo reta, heveo reta, jare jebuseo reta iɨwɨ pemaerä. Jayawe Tumpa peruwäe ma yawe jokua ɨwɨ ikawiete wae pe, piyapota ko kua yemɨmandúa mbɨyape levadura mbae pewa. Jukuäraita ko piyapo kua tenondewa yasɨ pe etei añawe wiwe opa año rupi.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Números 13:27

Joko wi jei reta Moisés pe: “Ndoo ma jokua ɨwɨ pe nde oremondo wae pe. Añetete jokua ɨwɨ ikawiete ye ko,” jei reta. “Mase, kua ko jae mbaewɨye ikawi wae jokua ɨwɨ pewa,” jei reta chupe.