Éxodo 3:16 - Biblia

¹⁶ “Ekua embatɨ Israel iñemoñaa itenondewa reta, jare ere chupe reta kuärái: ‘Tumpa ikoño mái wae – jae ko yanderamɨkue reta Abraham, Isaac, jare Jacob iTumpa – uyekuaa chewe jare jei chewe kuärái: ‘Aikuaa aï kërái pe Israel iñemoñaa piko wae reta piporara peï ɨwɨ Egipto pewa reta ipo pe wae. Jare aiparareko amae peré.

Éxodo 3:16 Iomraidhean Croise

Génesis 1:7

Jare Tumpa uyapo jokua ipo mbae wae jare umbɨsɨrɨ ɨ mbɨte ɨwate kotɨ jare mbɨte ɨwɨ kotɨ. Jare ɨ ipäu rupi upɨta ipo mbae.

Génesis 21:1

Joko wi, pëti año ma uasa yawe, Tumpa uyapo jae jei wae rupi Sara pe.

Génesis 28:13

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Salmo 8:4

CheTumpa, ¿kía pa ko ore nemandúa waerä oreré? ¿Kía pa ko ore ndiyandareko waerä oreré?

Éxodo 1:8

Jeta año ma uasa yawe, ɨwɨ Egipto pe uyeyapo ambɨe mburuwicha wasurä uikuaa’ä etei José rewa wae.

Éxodo 13:19

Moisés wɨraaka José ikäwekue jae reta ndiwe, echa’ä jekowe iko rambuewe, José jeika ïru Israel iñemoñaa reta pe Tumpa jowake kuärái: “Pëti ara Tumpa uipararekota oï ñaniñemoñaa reta. Jare jae uepɨ reta yawe kua ɨwɨ Egipto wi, turaa reta wi chekäwekue,” jeika chupe reta.

Éxodo 15:14

Ïru ɨwɨ pewa reta uikuaa yawe ndiyapo wae rewa, opata urɨrɨ reta tuicha ukɨye ramo. Jare filisteo reta tuicha ipɨatɨtɨta oï reta.

Éxodo 17:5

Jayawe Tumpa jei Moisés pe: “Eraa amokue Israel iñemoñaa itenondewa reta nde ndiwe jare ekua Israel iñemoñaa reta jenonde,” jei. “Eraa wi ndepopoka jokua ɨ wasu re ndekua pɨpe wae,” jei.

Éxodo 2:25

Tumpa uiparareko uecha yawe Israel iñemoñaa reta ikuasɨete oï; jáeramo uipota omborɨ reta.

Éxodo 3:2

Joko pe araɨwa Tumpa etei wae uyekuaa Moisés pe pëti yái jendɨ oï wae pe kuärái: Moisés uecha yái tuicha jendɨ oï, erëi okai’ä oï.

Éxodo 3:6

“Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

Éxodo 4:1

Jayawe Moisés jei Tumpa pe: “Erëi ndarau chererowia reta. Jare ndarau wi uyapɨsaka reta che jae wae re. Jae reta jeita chewe: “¿Këraita ra Tumpa uyekuaa ndewe?’ jeita chewe reta,” jei Moisés Tumpa pe.

Éxodo 4:29

Jaɨkue rupi Moisés jare Aarón yuraa uwäe reta ɨwɨ Egipto pe. Joko pe umbatɨ opaete Israel iñemoñaa itenondewa reta.

Éxodo 4:31

Jayawe Israel iñemoñaa itenondewa reta wɨrowia Tumpa ombou chupe reta Moisés jare Aarón wae. Jáeramo uñeñono reta ɨwɨ re uñemɨmichi rewe jare umbutuicha reta Tumpa jee. Echa’ä jae reta uikuaa ma Tumpa uecha kërái uiporara ñonoï reta jare uiparareko umae oï jese reta wae.

Éxodo 4:5

Jare Tumpa jei chupe: “Kua iyapo Israel iñemoñaa itenondewa reta jowai, jae reta wɨrowia waerä peramɨkue reta Abraham, Isaac, jare Jacob iTumpa ko uyekuaa ndewe wae,” jei.

San Mateo 26:3

Jokua rambuewe, sacerdote itenondewa reta jare judío itenondewa reta uyembatɨ sacerdote tenondewaete Caifás jee wae joka pe.

San Lucas 1:68

“¡Tuyembutuichaka yandeTumpa jee opaete yande Israel pewa yaiko wae reta! Echa’ä jae ou ma yanemborɨ waerä jare yanderepɨ waerä, yande jae imaerä yaiko wae reta.

San Lucas 19:44

“Jare jae reta opata peyuka oï jare opata urukachi kua perëta wasu. Ndarau ueya reta pëti awe ita ïru ita iáramo. Jukuärái uyeyapota oï, echa’ä pe reta pikuaa’ä Tumpa ou tëi pepɨte pe perepɨ waerä ramo,” jei Jesús.

Hechos 11:30

Jare opa ma umbatɨ reta korepoti yawe, uiparawo reta Bernabé jare Saulo wɨraa waerä ɨwɨ Judea pe Cristo re wɨrowia wae reta itenondewa reta pe.

Hechos 15:14

“Simón Pedro umɨmbeu ma yandewe kërái Tumpa jaeramo etei uparawɨkɨ judío mbae wae reta ipɨte rupi oñono tee waerä amokue wae reta jae imaerä,” jei.

Hechos 20:17

Jayawe ndoo nuwäe yawe tëta wasu Mileto pe, Pablo omondo uenika Éfeso pewa Cristo re wɨrowia wae itenondewa reta yuweru waerä orepɨ Mileto pe.

1 Pedro 2:12

Pechaka mii teko kawi Tumpa re wɨrowia mbae wae reta ipɨte rupi. Añawe jae reta uyemɨngeta tëi kachi pekotɨ pereko kachi wae echa rami. Erëitu pereko ikawi oï yawe, jae reta uechata jare aramoi ipɨakueeta kuri Tumpa kotɨ. Jayawe uwäe yawe ara opaete wae uyemboɨ waerä Tumpa jowai, jae reta umbutuichata ñonoï Tumpa jee pereko pewa.

1 Pedro 5:1

Añawe pe Cristo re perowia piko wae reta, che aipota ambɨarakuaa petenondewa reta kuärái: Che ko jae peparawɨkɨ ïru. Jare che aecha cheresa pe etei kërái Cristo uiporara yanderé. Jare Cristo ou ye yawe imbaepuere jembipete rewe, che wi ayerowiata pe reta ndiwe. Jáeramo che pumɨñera