Éxodo 3:15 - Biblia

¹⁵ Ere wi chupe reta kuärái: ‘Tumpa ikoño mái wae – jae ko yanderamɨkue reta Abraham, Isaac, jare Jacob iTumpa – jae ko chembou pekotɨ,’ ere chupe reta. Jokua ko cheree jaeño mái pewa, jare opaete piñemoñaa reta rupi timandúa kua ko cheree wae,” jei.

Éxodo 3:15 Iomraidhean Croise

Éxodo 15:2

Tumpa jae chemɨmɨräta wae ko; jáeramo che akätata chupe. Jae ko cheTumpa cherepɨ wae. Jae jeeño tambutuicha. Jae ko cherukue iTumpa wi. Tambutuicha jae jee.

Éxodo 15:3

Tumpa ko jae ñeräro pe upurumɨamɨri wae. JAE KO JAE – jukuärái ko Tumpa jee.

Éxodo 3:13

Erëi Moisés jei Tumpa pe: “Che a yawe jae waerä Israel iñemoñaa reta pe, ‘Yanderamɨkue reta iTumpa chembou pekotɨ,’ aikuaa aï jae reta upɨranduta chewe kërái ko nderee wae. Jayawe, ¿mbae pa jaeta chupe reta?” jei Moisés Tumpa pe.

Éxodo 3:6

“Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

Éxodo 4:1

Jayawe Moisés jei Tumpa pe: “Erëi ndarau chererowia reta. Jare ndarau wi uyapɨsaka reta che jae wae re. Jae reta jeita chewe: “¿Këraita ra Tumpa uyekuaa ndewe?’ jeita chewe reta,” jei Moisés Tumpa pe.

Éxodo 4:5

Jare Tumpa jei chupe: “Kua iyapo Israel iñemoñaa itenondewa reta jowai, jae reta wɨrowia waerä peramɨkue reta Abraham, Isaac, jare Jacob iTumpa ko uyekuaa ndewe wae,” jei.

Éxodo 6:2

Tumpa jei wi Moisés pe: “Che ko jae Tumpa,” jei.

Isaías 9:6

Oa ma yandewe pëti sambiaɨ kuimbae. Jae ko Tumpa Taɨ etei jae umee yandewe wae. Jare jae ikota yanemburuwicha wasurä. Jare jeita chupe reta: UPURUMBƗARAKUAA KAWIETE WAE, jare TUMPA IMBAEPUERE TUICHAETE WAE, jare YANDERU TUMPA IKOÑO MÁI WAE, jare MBURUWICHA WASU YANEMBƗPƗAKATU WAE. Jukuärái jeita chupe reta.

San Mateo 22:32

Echa’ä jei kuärái: ‘Che ko jae nderamɨkue reta Abraham, Isaac, jare Jacob iTumpa.’ Jukuärái Tumpa jei yepe tëi yanderamɨkue reta arakaete ye ma opa umano,” jei. “Añetete umanokue wae reta mbaetɨ yawe onoi tekowe, jayawe Tumpa ndarau jei tëi jae ko jae reta iTumpa wae, echa’ä jae ko ime tekowe onoi wae reta iTumpa,” jei. “Jayawe kua uikuaaka yandewe yanderamɨkue reta imeño yepe tekowe onoi,” jei Jesús saduceo reta pe.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

Hechos 7:32

Jare yandeYa jei chupe: ‘Che ko jae nderamɨkue reta Abraham, Isaac, jare Jacob iTumpa,’ jei chupe. Jayawe Moisés uyandu yawe kua ñee, urɨrɨ ukɨyete ramo, jare uipɨuete umae waerä jese,” jei Esteban chupe reta.

Hebreos 11:16

Erëi jukuärai’ä uyapo reta. Jae reta ikɨrëɨete yureko pëti ɨwɨ ikawiete ye wae pe – jae ko ɨwɨ ara pe oï wae pe. Jáeramo Tumpa uyerowiaete jae reta iTumparä iko ramo. Jukuärái yaikuaa, echa’ä Tumpa uyapɨkatu pëti tëta wasu jae reta imaerä ara pe.

Hebreos 13:8

Jesucristo uyembɨambɨe’ä etei iyɨpɨ wiwe, añawe rewa, jare jaeño mái pewa.