Éxodo 3:12 - Biblia

¹² Jayawe Tumpa jei chupe: “Añetete che aïta nde ndiwe,” jei. “Nenoeta reta ɨwɨ Egipto wi. Jare pe reta peyu yeta kua pe cheree pembutuicha waerä kua ɨwɨtu wasu re. Jare jokua uikuaakata che ko jae nomondo wae,” jei Tumpa chupe.

Éxodo 3:12 Iomraidhean Croise

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 15:8

Erëi Abram upɨrandu Tumpa pe: “CheYa Tumpa, ¿këraita pa aikuaa che ko jae kua ɨwɨ iyarä wae?” jei chupe.

Éxodo 3:1

Pëti ara Moisés oo umɨngaru waerä jowaya Jetro iowecha reta. Jare wɨraa warasɨ uike wae kotɨ ɨwɨtini wasu kutɨ katu kapii ime wae pe. Jare wɨraa uruwäe reta ɨwɨtu wasu Horeb jee wae pe, jokua ɨwɨtu wasu Tumpa oñono tee jae imaerä wae pe.

Éxodo 3:13

Erëi Moisés jei Tumpa pe: “Che a yawe jae waerä Israel iñemoñaa reta pe, ‘Yanderamɨkue reta iTumpa chembou pekotɨ,’ aikuaa aï jae reta upɨranduta chewe kërái ko nderee wae. Jayawe, ¿mbae pa jaeta chupe reta?” jei Moisés Tumpa pe.

Éxodo 4:12

“¡Jáeramo ekua añawe! Che aïta nde ndiwe jare nomborɨta ndiyemɨngeta waerä. Aikuaakata ndewe opaete mbae ndereta wae,” jei Tumpa Moisés pe.

Éxodo 4:15

“Joko wi pe reta peo yeta ɨwɨ Egipto pe, jare joko pe nemɨmbeuta chupe mbaembae jei waerä. Che pomborɨta aï mokui rewe piyemɨngeta waerä, jare aikuaakata pewe mbaembae piyapo waerä,” jei chupe.

Éxodo 8:27

“Ore ndoota ko kua wi mbapɨ ara rupi ɨwɨtini wasu kotɨ nduyuka numee waerä mbaemɨmba reta oreTumpa ikoño mái wae pe kërái jae jei orewe wae rupi,” jei Moisés mburuwicha wasu pe.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

Marcos 16:20

Jayawe jemimboe reta opa yuraa umɨmbeu Tumpa iñee opaete kerupi rupi. Jare yandeYa umee chupe reta mbaepuere uyapo waerä mbaembae ipuere’ä ambɨe kuimbae reta uyapo wae. Jare jukuärái jae uikuaaka opaete wae pe añetete wae ko jemimboe reta jei wae. Jaeño ma.

Hechos 11:21

Jare yandeYa omborɨ reta umɨmbeu kawi waerä jae iñee chupe reta. Jayawe jeta judío mbae wae reta wi wɨrowia jese jare uyerowa reta yandeYa kotɨ.

Hechos 7:7

Jare jokua irundɨ chiëto año uasa ma yawe, aiporarakata aï jokua ɨwɨ pewa reta pe. Jare niñemoñaa reta oëta jokua ɨwɨ wi, jare aru yeta kua ɨwɨ pe chiñee umbutuicha reta waerä kua ɨwɨ pe.’ Jukuärái jei Tumpa Abraham pe,” jei chupe reta.

Romanos 8:31

Jayawe opaete kua mbaembae rupi yaikuaa ko Tumpa oï yandepepɨka pe yanemborɨ waerä. ¿Kía ra ipuereta ñanemɨamɨri jayawe? ¡Ndarau ipuere kiawe!

Hebreos 13:5

Awɨye pipotaete korepoti pemaeräño. Toï pepɨa jenda pe ime ma penoi wae re. Awɨye wi piyembɨpɨa’ä jeta mbaembae penoi waerä, echa’ä Tumpa etei jei ma yandewe kuärái: “Che ndarau etei ndueya. Jekuaeño ayandarekota aï nderé.” Jukuärái Tumpa jei.

Josué 1:5

“Añawe wiwe nemano rewa, mbaetɨta kía ipuere nemɨamɨri wae,” jei. “Che aïta nde ndiwe Moisés ndiwe aiko wae rami. Nomborɨta aï jare ndarau ndueya,” jei chupe.