Éxodo 3:1 - Biblia

¹ Pëti ara Moisés oo umɨngaru waerä jowaya Jetro iowecha reta. Jare wɨraa warasɨ uike wae kotɨ ɨwɨtini wasu kutɨ katu kapii ime wae pe. Jare wɨraa uruwäe reta ɨwɨtu wasu Horeb jee wae pe, jokua ɨwɨtu wasu Tumpa oñono tee jae imaerä wae pe.

Éxodo 3:1 Iomraidhean Croise

Éxodo 17:6

“Jare ndeo newäe yawe ɨwɨtu wasu Horeb jee wae itape oï wae pe, che nuärota aï itape iáramo,” jei. “Joko pe ekua itape re ndepopoka pɨpe, jare joko wi oëta ɨ tuicha Israel iñemoñaa reta jou waerä,” jei Tumpa Moisés pe. Jayawe jokua Israel itenondewa reta umae ñonoï rambuewe, Moisés jukuärái uyapo. Jare jupiwoiño tuicha ɨ oë jokua itape wi.

Éxodo 19:3

Jayawe Moisés uyupi ɨwɨtu wasu re oo owäiti waerä Tumpa. Jare Tumpa ueni Moisés ɨwɨtu wasu re jare jei chupe: “Ere Israel iñemoñaa reta pe – jae ko Jacob iñemoñaa reta pe – kuärái:

Éxodo 2:16

Joko wi yuweru jokua ɨkua kotɨ chiu kuñatái reta. Jae reta tu ko jae ɨwɨ Madián pewa, jare jokua ɨwɨ pewa Tumpa re wɨrowia wae reta itenondewa. Kuñatái reta uipota tëi onoe ɨ ɨkua wi umɨtɨnee waerä owecha reta iɨwarɨru tu iowecha reta jou waerä.

Éxodo 2:18

Joko wi kuñatái reta yuweru ye yawe jëta pe, tu Jetro jee wae upɨrandu chupe reta: “¿Kërái pa kua ara opa pemee jou ɨ owecha reta ɨmambae pewa?” jei chupe reta.

Éxodo 2:21

Jáeramo yuraa uparea reta Moisés pe oo ukaru waerä jae reta ndiwe. Jare Jetro uparea Moisés pe upɨta waerä jae reta ndiwe. Jokua ikawi iko Moisés pewarä. Jaɨkue rupi Jetro umee chupe tayɨ Séfora jee wae Moisés jembirekorä.

Éxodo 24:13

Jayawe Moisés jare imborɨa Josué uyeyapɨkatu reta, jare umbɨpɨ uyupi yuraa reta Tumpa iɨwɨtu wasu re.

Éxodo 3:12

Jayawe Tumpa jei chupe: “Añetete che aïta nde ndiwe,” jei. “Nenoeta reta ɨwɨ Egipto wi. Jare pe reta peyu yeta kua pe cheree pembutuicha waerä kua ɨwɨtu wasu re. Jare jokua uikuaakata che ko jae nomondo wae,” jei Tumpa chupe.

Éxodo 3:5

Jare Tumpa jei chupe: “Epɨta joko pe. Awɨye eya katu cheré,” jei chupe. “Eki ndepɨpasa, echa’ä kua ɨwɨ ndiyemboɨ neï jese wae añono tee chemaerä,” jei chupe.

Éxodo 4:18

Jayawe Moisés uñatima ye ɨwɨ Madián pe. Joko pe Tumpa jei chupe: “Awɨye ekɨye ndeo ye waerä ɨwɨ Egipto pe, echa’ä opa ma umano opaete jokua arakae uipota tëi ndeyuka wae reta,” jei chupe. Jayawe Moisés oo uyemɨngeta jowaya Jetro ndiwe, jare jei chupe: “Emaeño mii cheré a ye waerä ɨwɨ Egipto pe cherëtáɨwa reta ñonoï wae pe. Aipota aikuaa aï imeño ra iko reta wae,” jei chupe. Jare Jetro jei Moisés pe: “Ekuaño ndepɨawiwe rewe,” jei chupe.

Éxodo 4:27

Jokua rambuewe, Tumpa jei Aarón pe: “Ekua eowäiti Moisés ɨwɨtini wasu pe,” jei chupe. Jayawe Aarón oo owäiti Moisés jokua ɨwɨtu wasu Tumpa oñono tee jae imaerä wae pe. Jare uyeyurupɨte reta jowa pe.

San Lucas 2:8

Jare jokua pɨ̈tu etei amokue owecha iyandarekoa reta uyandareko ñonoï iowecha reta re koiño Belén wi.

Hechos 7:30

“Erëi cuarenta año ma uasa yawe, Tumpa uyekuaa Moisés pe araɨwa echa rami yái jendɨ oï wae pe. Jukuärái uasa ɨwɨtini wasu pe koiño ɨwɨtu wasu Sinaí jee wae wi.

1 Samuel 16:11

Jare Samuel upɨrandu Isaí pe: “¿Jae reta pa opaete nderaɨ reta?” jei chupe. Jayawe Isaí jei Samuel pe: “Uata oï pëti, cheraɨ taɨkuewaete. Erëi jae uyandareko oï owecha reta re,” jei chupe. Jayawe Samuel jei Isaí pe: “Emondo eruruka woi, echa’ä yawapɨta’ä yakaru ndei jae uwäe mbowe,” jei chupe.