Éxodo 26:33 - Biblia

^33-34 “Jayawe embɨsawawaka ngächu reta re tupao joo umbɨyao wae iko waerä tupao japɨpe mokui o. Jare iñonoka che arakae jae wae yemɨmandúa jɨru o japɨpete wae pe. Jokua o japɨpete wae ko jae o jupiete ye wae. Jokua o umbɨyao wae tumbɨyao o jupi wae o jupiete ye wae wi,” jei. “Joko wi iñonoka iyapeteka jɨru iáramo,” jei Tumpa Moisés pe.

Éxodo 26:33 Iomraidhean Croise

Éxodo 25:16

“Che ameeta aï ndewe chiñee uyekuatiata oï mokui ita ipe kawi wae re. Jare niñonota ko jokua jɨru japɨpe,” jei.

Éxodo 26:32

Joko wi iyapoka irundɨ ɨkɨtarä ɨwɨra acacia pewa, jare iñowaka oro pɨpe,” jei. “Jokua ɨkɨta reta uwapɨta pëti pëti iwapɨka korepoti tïi pewa re. Pëti pëti ɨkɨta re iñonoka ngächu oro pewa nembɨsawawaka waerä jese jokua o pembɨyao pɨpe wae,” jei.

Éxodo 27:10

Tarapo reta tusawawa toï veinte poste jiero bronce pewa re. Pëti pëti poste uwapɨta ko iwapɨka bronce pewa re. Jare iyapoka wi ngächu reta jare pepoäkarewa echa reta korepoti tïi wae pewa uñeñonoka waerä poste reta re,” jei.

Éxodo 40:21

Jaɨkue rupi oñonoka jokua jɨru tupao joo pe. Joko wi Moisés umbɨsawawaka puyu tupao joo umbɨyao pɨpe wae awɨye waerä kiawe uecha jokua jɨru kërái Tumpa jei wae rupi.

Levítico 16:2

“Ere nderɨkeɨ Aarón pe jaeño jokua ara che jae wae peño ipuere uike tupao joo jupiete ye wae japɨpe che jae wae yemɨmandúa jɨru oï wae pe,” jei. “Erëi ipotawe ara rupi jae uike yawe, umano woita, echa’ä che aïta amapɨ̈tu re jokua jɨru iyapeteka iáramo. Jare ndarau kiawe ipuere oya chembaepuere jupiete ye wae re, echa’ä umano woita,” jei.