Éxodo 26:31 - Biblia

³¹ Tumpa jei Moisés pe: “Iyapoka pëti puyu ikawi wae nembɨyaoka waerä pɨpe tupao joo,” jei. “Jokua re embɨparaka kerubín echa reta iä inimbo jowɨ wae, mborao wae, jare pɨ̈tasɨ wae pɨpe.

Éxodo 26:31 Iomraidhean Croise

Éxodo 25:18

“Jɨru iyapeteka wiño iyapoka martiyo pe iyapeteka iyapɨyapɨ pe mokui araɨwa reta echa rami ipepo onoi wae, kerubín jee wae reta echa.

Éxodo 25:4

“Tueru reta wi asoyarä ikawi wae jowɨ wae, jare mborao wae, jare pɨ̈tasɨ wae, jare kapura jawuku wae jawe asoyarä,” jei.

Éxodo 26:1

Éxodo 26:32

Joko wi iyapoka irundɨ ɨkɨtarä ɨwɨra acacia pewa, jare iñowaka oro pɨpe,” jei. “Jokua ɨkɨta reta uwapɨta pëti pëti iwapɨka korepoti tïi pewa re. Pëti pëti ɨkɨta re iñonoka ngächu oro pewa nembɨsawawaka waerä jese jokua o pembɨyao pɨpe wae,” jei.

Éxodo 40:21

Jaɨkue rupi oñonoka jokua jɨru tupao joo pe. Joko wi Moisés umbɨsawawaka puyu tupao joo umbɨyao pɨpe wae awɨye waerä kiawe uecha jokua jɨru kërái Tumpa jei wae rupi.

Levítico 16:2

“Ere nderɨkeɨ Aarón pe jaeño jokua ara che jae wae peño ipuere uike tupao joo jupiete ye wae japɨpe che jae wae yemɨmandúa jɨru oï wae pe,” jei. “Erëi ipotawe ara rupi jae uike yawe, umano woita, echa’ä che aïta amapɨ̈tu re jokua jɨru iyapeteka iáramo. Jare ndarau kiawe ipuere oya chembaepuere jupiete ye wae re, echa’ä umano woita,” jei.

San Mateo 27:51

Jare aramoiño puyu tupao wasu joo umbɨyao pɨpe wae osoro mbɨte rupi ɨwate wi ɨwɨ kotɨ. Jare ɨwɨ ukäta, jare amokue itape reta owo.

Marcos 15:38

Jare aramoiño puyu tupao wasu joo umbɨyao pɨpe wae osoro mbɨte rupi ɨwate wi ɨwɨ kotɨ.

San Lucas 23:45

Warasɨ jembipe’ä etei. Jare puyu tupao wasu joo umbɨyao pɨpe wae osoro mbɨte rupi.

Efesios 2:14

Pe reta pikuaa peï tenonde yawe ore judiorä nduiko wae numae kawi’ä peré. Echa’ä pe reta pikuaa’ä jare piyapo’ä Moisés arakae uikuatía wae. Jare oremaerä jokua ko jae orereko iyɨpɨ. Jáeramo ore nduyembɨsɨrɨse pewi jare nduyembowaichose pe reta ndiwe. Erëi añawe Cristo kurusu re umano wae rupi opa ma umbái jokua ñamɨtäa imese wae. Echa’ä añawe wiwe kiawe oyata’ä Tumpa re Moisés uikuatía wae rupi. Jáeramo mbaetɨ ye ma mbae re yayembowaicho waerä yande yepái. Cristo ipɨayemɨngeta ko jae yandapo waerä pëti ramiño iyé, judío jare judío mbae wae reta, jare jukuärái yanembɨpɨakatu waerä yande yepái.