Éxodo 20:6 - Biblia

⁶ “Erëi opaete cherau jare uyapo kawi che jae wae rupi wae reta, jeta ye ye iñemoñaa reta wi aueteta,” jei.

Éxodo 20:6 Iomraidhean Croise

Números 14:18

‘Che ko jae peTumpa. Tuicha chepɨawasu jare chepɨakawi pewe. Tuicha ko puau jare cheakañɨta opaetei mbaembae kachi piyapo wae wi. Erëitu aiporarakata aï teko iya reta pe. Añetete aiporarakata aï opaete chererɨ̈ro wae reta pe, isambiaɨ reta pe, jare jumɨmino reta pe, jare jumɨmino yuapɨ ye reta pe wi.’ Jukuärái ndere orewe,” jei.

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 14:21

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

Hechos 2:39

“Jukuärái yandeTumpa ikoño mái wae jei uyapota oï ipotawe kía Tumpa ueni wae pewarä – jae ko pemaerä, piñemoñaa reta pewarä, jare opaete kerupi rupi ñonoï wae reta pewarä wi,” jei Pedro chupe reta.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

1 Juan 4:19

Yande yaau ko Tumpa, echa’ä jae rani yanderau ramo.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

2 Juan 1:6

Jare ¿kërái ra yapuruau añetete rewe? Imeta ko yaiko Tumpa jei wae rupi. Jare Tumpa jei yandewe yaiko waerä yapuruau rewe. Kua ko jae mbae iyɨpɨ wiwe piyandu ore ndoporomboe jese wae.