Éxodo 20:5 - Biblia

⁵ Awɨye awe piñeñono ɨwɨ re pipɨu rewe pembɨadora waerä tumparaanga reta re. Echa’ä cheeño ko jae peTumpa aikoño mái wae, jare che ko pumbɨete aï wae. Jare aiporarakata aï opaete chererɨ̈ro wae reta pe, isambiaɨ reta pe, jumɨmino reta pe, jare jumɨmino yuapɨ ye reta pe wi,” jei.

Éxodo 20:5 Iomraidhean Croise

Números 14:18

‘Che ko jae peTumpa. Tuicha chepɨawasu jare chepɨakawi pewe. Tuicha ko puau jare cheakañɨta opaetei mbaembae kachi piyapo wae wi. Erëitu aiporarakata aï teko iya reta pe. Añetete aiporarakata aï opaete chererɨ̈ro wae reta pe, isambiaɨ reta pe, jare jumɨmino reta pe, jare jumɨmino yuapɨ ye reta pe wi.’ Jukuärái ndere orewe,” jei.

Números 14:33

Jare pesambiaɨ reta uwatata ñonoï kerupi rupi mbaemɨmba iyandarekoa reta rami, jare uwatata reta cuarenta año kua ɨwɨtini wasu rupi pe reta opa pemano rewa. Jukuärái pesambiaɨ reta uiporarata ko pe reta perowia’ä cheré ramo,’ ere chupe reta.

San Mateo 4:9

Jare Añawasu jei chupe: “Mase, nde niñeñono yawe ndetawa re cherowai chembutuicha waerä, che ameeta ndewe opaetei kua mbaembae ndecha neï wae ndepo pe oï waerä,” jei chupe.

San Juan 15:18

Jesús jei wi jemimboe reta pe: “Kua ɨwɨ pewa reta opaete seri oyowaicho ñonoï Tumpa kotɨ. Jayawe jae reta peamɨtäa yawe, pemandúa kawi che rani ko cheamɨtäa reta,” jei chupe reta.

San Juan 7:7

echa’ä mbaetɨ mbae re awe kua ɨwɨ pewa reta peamɨtäa waerä,’ jei. “Erëi jukuärai’ä ko che. Che kua ɨwɨ pewa reta cheamɨtäa, echa’ä che amɨmbeu chupe reta mbae ikawi mbae wae uyapo reta ramo,” jei chupe reta.

San Juan 9:2

Jayawe Jesús jemimboe reta upɨrandu chupe: “Oporomboe wae, ¿kía jeko pewa pa kua kuimbae oa ichɨ wi jesa mbae? ¿Tu jare ichɨ uyawɨ Tumpa kotɨ jeko pewa ra, ani jae etei uyawɨ jeko pewa?” jei reta chupe.

Romanos 1:30

Jae nunga wi jae reta kachi uyemɨngeta japicha kotɨ. Uñamɨtäa reta Tumpa. Jeko pochɨ reta. Uyembɨkate reta. Uyemɨngeta reta uyembutuicha rewe. Ipɨa pe uyemɨngeta reta mbaembae kachi wae uyapo waerä. Uyapo’ä reta tu jare ichɨ jei wae rupi.

Romanos 8:7

Kua nunga reta Tumpa jowaicho ko, echa’ä uipota’ä uyapo reta Tumpa jei wae rupi jare ipuere’äwe uyapo reta wi.

1 Corintios 10:22

¿Mbae pa pere? ¿Ikawi pa ñamɨawɨ̈roka waerä yandeYa aña reta kotɨ? ¿Yande yerá yandepuerete yandeYa wi awɨye waerä jae uiporaraka yandewe?

Santiago 4:4

Tumpa peñono tee ma jae imaerä piko waerä. Jae umenda rami ko pe reta ndiwe. Erëi pe reta awasa uyapo wae rami ko. ¿Pikuaa’ä yerá kua ɨwɨ pewa reta opaete seri oyowaicho ñonoï Tumpa kotɨ wae? Jare ¿pikuaa’ä yerá kía uipɨsɨ jae reta jeko yawe, jae uyembowaicho ko oï Tumpa kotɨ? Jáeramo kía uipota iko yawe kua ɨwɨ jeko rupiño, jae uyeyapo ko oï Tumpa jowaichorä.

Jueces 2:19

Erëi mburuwicha umano ma yawe, Israel iñemoñaa reta jekuaeño uyapo yewɨ kachi wae jare ueka reta itumparaanga retarä umbɨadora reta waerä jese. Uipɨu rewe uñeñono reta ɨwɨ re itumparaanga reta jowai. Jae reta jeko pochɨete ye uyeyapo tamɨkue reta wi. Uyembɨpɨatäta reta, jare uipota’ä ueya reta jeko kachi wae.