Éxodo 20:13 - Biblia

¹³ “Awɨye pepuruyuka,” jei.

Éxodo 20:13 Iomraidhean Croise

San Mateo 19:18

Jayawe kuimbae jei chupe: “Opaete mbaembae Tumpa jei wae wi, ¿mbae nunga reta etei pa imeta ko ayapo?” jei chupe. Jayawe Jesús jei chupe: “Awɨye epuruyuka. Awɨye iyapo awasa. Awɨye nemonda. Awɨye ndapu nembɨjeko waerä nderapicha.

Marcos 10:19

“Nde ndikuaa ko Tumpa arakae jei wae: ‘Awɨye epuruyuka. Awɨye iyapo awasa. Awɨye nemonda. Awɨye ndapu nembɨjeko waerä nderapicha. Awɨye epurumbɨtawɨ. Ipɨu nderu jare ndesɨ wi,’ jei,” jei chupe.

San Lucas 18:20

“Nde ndikuaa ko Tumpa arakae jei wae: ‘Awɨye iyapo awasa. Awɨye epuruyuka. Awɨye nemonda. Awɨye ndapu nembɨjeko waerä nderapicha. Ipɨu nderu jare ndesɨ wi,’ jei,” jei Jesús chupe.

Hechos 16:28

Erëi Pablo usapɨkai chupe: “¡Awɨye iyeyuka!” jei. “Echa’ä ore opa reweño noï kua japɨpe,” jei chupe.

Hechos 28:4

Jare joko pewa reta uecha yawe mboi Pablo ipo re usawawa oï wae, jei reta iyupe: “Añetete yepe kua kuimbae upuruyuka wae ko. Yepe tëi umano’ä mar pe, erëi ndarau ikoño jupi’ä ramo,” jei reta.

Romanos 13:9

¿Kërái ra jokua? Ime jeta mbaembae Moisés uikuatía wae. Amokue jei kuärái: “Awɨye piyapo awasa. Awɨye pepuruyuka. Awɨye pemonda. Awɨye papu pembɨjeko waerä perapicha. Awɨye pepɨa pe pipotaete rewe pemae mbaembae perapicha onoi wae re.” Jukuärái Tumpa jei Moisés pe uikuatía waerä. Jare jei chupe ïru mbaembae reta wi. Erëi opaete jokua Moisés uikuatía wae, jae ko pëti waeño. Jae ko kua: “Peau perapicha kërái pe reta etei piyerau wae rami.”

Gálatas 5:21

Iñemɨrose. Upuruyuka. Usawɨpo. Jare uyapo arete wi. Jare jeta ïru kua nunga mbaembae ikawi mbae wae uyapo kía iko yawe jae jei wae rupiño. Che tamɨmbeu ye pewe kua nunga mbaembae ikawi mbae wae rupi yureko wae reta ndarau etei ñonoï Tumpa ndiwe, jae oï ma yawe opaete wae imburuwicha wasurä jaeño mái pewa.

1 Timoteo 1:9

Jare yaikuaa wi jokua uikuatía wae jeko mbae wae reta pewarä'ä ko. Jae ko kía teko onoi wae reta pewarä uikuaaka chupe reta waerä uyawɨ ma ko Tumpa kotɨ. Jayawe jokua Moisés uikuatía wae jae ko kía uyapɨsaka’ä Tumpa iñee re wae reta pewarä, jare kía uipota’ä iko Tumpa jei wae rupi wae reta pewarä, jare kía uipɨu’ä etei Tumpa wi wae reta pewarä, jare kía uyawɨñoi Tumpa kotɨ wae reta pewarä, jare kía uyapo mbaembae kachi wae reta pewarä, jare kía uipotaete mbaembae ɨwɨ pewaeño wae reta pewarä, jare kía tu uyuka wae jare ichɨ uyuka wae reta pewarä, jare opaete upuruyuka wae reta pewarä.

Santiago 2:11

Kua re ikawi yayemɨngeta waerä yandepɨa pe. Tumpa jei yandewe: “Awɨye iyapo awasa.” Jare jei wi yandewe: “Awɨye epuruyuka,” jei. Aramoi nde ndiyapo’ä etei awasa. Erëi ndepuruyuka ma yawe, ndiyawɨ ma ko Tumpa jei wae jare teko pe ma ko neï, yepe tëi ndiyapo’ä awasa.

Santiago 2:13

Jare ime yawe kía uiparareko’ä japicha wae, Tumpa umbɨjekota onoi kuri uiparareko mbae rewe. Erëi kía japicha uiparareko wae uyerowiata oï kuri jokua ara.