Éxodo 2:24 - Biblia

²⁴ Tumpa uyandu wi uyao reta wae, jare imandúa jokua yemɨngeta ikawi wae re arakae uyapo Abraham, jare Isaac, jare Jacob ndiwe wae.

Éxodo 2:24 Iomraidhean Croise

Génesis 15:13

Jare Tumpa umɨngeta Abram ipau pe jare jei chupe: “Ikuaa kawi nde kuärái: Niñemoñaa reta uiporarata ñonoï irundɨ chiëto año rupi ambɨe ɨwɨ pewa reta iɨwɨ pe. Jokua ɨwɨ pewa reta uyapota ipione retarä täta rupi uyeyokui chupe reta waerä,” jei.

Génesis 16:11

“Añawe ndepurúa neï jare oata nemembɨ kuimbae. Nembɨjeeta Ismael, echa’ä Tumpa uyandu ma tuicha ndepɨatɨtɨ rewe ndiyao wae,” jei.

Génesis 17:7

“Jare jaeño mái pewa chemanduata aï kua yemɨngeta ikawi wae re ayapo nde ndiwe jare niñemoñaa reta ndiwe wae. Jare che aikota jaeño mái pewa ndeTumparä jare niñemoñaa reta iTumparä wi,” jei.

Génesis 18:18

Echa’ä Abraham iñemoñaa reta rupi ayapota aï pëti tëta wasu tuicha wae jare imbaepuerete wae. Abraham rupi opaete ɨwɨ pewa reta uyekouta.

Génesis 32:28

Jare kuimbae jei Jacob pe: “Ndarau ye ma nderee Jacob. Echa’ä ndiyemboporowa ndepɨräta Tumpa ndiwe jare kuimbae reta ndiwe, jare opa ma ndepurumɨamɨri. Jáeramo añawe wiwe ko nderee Israel,” jei kuimbae Jacob pe.

Génesis 8:1

Erëi Tumpa iñakañɨ'ä Noé wi jare opaete mbaemɨmba reta jae ndiwe ñonoï chalana wasu japɨpe wae. Jayawe Tumpa ombou ɨwɨtu uipeyu waerä ɨ iáramo rupi jare umbɨpɨ tɨpa waerä ɨ.

Éxodo 6:5

“Mase, añawe jae reta iñemoñaa reta uiporaraete ñonoï ɨwɨ Egipto pewa reta ipo pe. Erëi che ayandu ma uyao reta wae, jare chemandúa wi yemɨngeta ikawiete wae ayapo peramɨkue reta Abraham, Isaac, jare Jacob ndiwe wae re,” jei.

Hechos 7:34

‘Che aecha aï kërái uiporara ñonoï aiparawo wae reta ɨwɨ Egipto pe. Ayandu ma ipüe ñonoï ikuasɨ katu rewe. Jáeramo che ayu ma aepɨ reta waerä ɨwɨ Egipto pewa reta wi,’ jei. ‘Jayawe iyeyapɨkatu woi ndeo waerä ɨwɨ Egipto pe.’ Jukuärái jei Tumpa Moisés pe,” jei.

Jueces 2:18

Jáeramo Tumpa umaeño jowaicho reta re uiporaraka waerä chupe reta. Erëi Israel iñemoñaa reta tuicha uiporara yawe jowaicho reta ipo pe, Tumpa uiparareko umae ye jese reta, jare umupüa pëti mburuwicha jae reta ipɨte wi uepɨ reta waerä. Jare jukuärái Tumpa uyapo yawe, jae iko mburuwicha ndiwe omborɨ waerä jokua mburuwicha imeño jekowe iko rambuewe.