Éxodo 2:15 - Biblia

¹⁵ Jare jokua jae uyapo wae jeräkua mburuwicha wasu pe. Jáeramo mburuwicha wasu omondo uekaka uyuka waerä tëi. Erëi Moisés osi ɨwɨ Egipto wi ɨwɨ Madián jee wae kotɨ. Jare oo uwäe yawe joko pe, Moisés uwapɨ koiño pëti ɨkua wi.

Éxodo 2:15 Iomraidhean Croise

San Mateo 10:23

“Jayawe uipota uiporaraka reta pewe yawe pëti tëta wasu pe, peë pekua chuwi reta ïruwe tëta wasu kotɨ. Che tae pewe añetete wae, ndarau opa pemɨmbeu ñee ikawi wae opaete Israel pewa reta jëta wasu rupi ndei ayu ye mbowe che kuimbaerä ayeyapo wae,” jei chupe reta.

San Juan 4:6

Jare jokua tëta wasu raɨ iyapɨ re ime oï pëti ɨkua kɨpe wae Jacob arakaete oyoo wae. Jayawe Jesús jare jemimboe reta ndiwe yuraa uwäe yawe joko pe, ara mbɨteta ma iko. Jare Jesús ikandɨ, echa’ä uwata reta ma mbɨrɨ ramo. Jayawe Jesús uwapɨ jokua ɨkua iyɨpɨ mii pe uputuu.

Hechos 7:29

“Kua uyandu yawe, Moisés ukɨye jare oë osi oo ɨwɨ Egipto wi ɨwɨ Madián jee wae kotɨ. Jare joko pe iko rambuewe, Moisés umenda jare kuña mokui isambiaɨ chupe,” jei Esteban chupe reta.

Hebreos 11:27

Jare Moisés wɨrowia Tumpa jei wae re ramo, ukɨye’ä mburuwicha wasu iarasɨ wi jare oë oo ɨwɨ Egipto wi. Yepe tëi Tumpa uyekuaa mbae wae ko, erëi Moisés uñemɨmɨräta jese uecha oï rami.