Éxodo 19:5 - Biblia

⁵ Jayawe pe reta jekuaeño piyapo peï yawe opaete che jae pewe wae rupi, pe reta pikota chemaerä. Yepe tëi opaete ɨwɨ chembae ko, jare opaete ɨwɨ pe oï wae chembae ko wi, jesewe pe reta pikota che puparawo ïru wae reta ipɨte wi wae.

Éxodo 19:5 Iomraidhean Croise

Génesis 17:9

Jare jei wi chupe: “Nde jare niñemoñaa reta imeta ko jekuaeño piyapo kua yemɨngeta jei wae rupi,” jei. “Piyapota ko kuärái: Tuyembɨcircuncidaka opaete kuimbae reta pepɨte pe ñonoï wae,” jei.

Éxodo 15:26

Tumpa umee chupe reta jokua iñee jei rewe: “Piyapɨsaka kawi yawe che, peTumpa aikoño mái wae, jae aï pewe wae re jare piyapo yawe opaete che jae aï pewe wae rupi, jayawe ambouta’ä pewe jokua mbaesusere reta ambou ɨwɨ Egipto pe wae. Echa’ä che ko jae peTumpa pumɨnguera wae,” jei chupe reta.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

Éxodo 8:22

Erëitu mbutu reta ou yawe, oyata’ä che aiparawo wae reta re ɨwɨ Gosén rupi ñonoï wae reta. Jukuärái ndikuaata oyowake’ä amae ndeɨwɨ pewa reta re kërái che aiparawo wae reta re amae wae rami. Jukuärái ayapo aï nde ndikuaa waerä che ko jae Tumpa aikoño mái wae jare nde ndikuaa waerä che aï kua ɨwɨ Egipto pe wae. Kuriye uyeyapota kua mbaesusere kɨye pewa,’ jei ndewe oreTumpa.’ Jukuärái pere chupe,” jei Tumpa Moisés pe.

Éxodo 9:29

Jayawe Moisés jei mburuwicha wasu pe: “Aë yawe tëta wasu wi, ayerure woita oreTumpa ikoño mái wae pe umɨmbɨta waerä ama jɨapu wae jare amandau,” jei. “Jukuärái ndikuaata oreTumpa ikoño mái wae ko jae kua ɨwɨ jare opaete pɨpe oï wae iYa,” jei.

Isaías 41:8

Tumpa jei kuärái: “Pe Israel retarä piko wae, pe reta ko jae cheïru Abraham iñemoñaa reta. Che puparawo piyeyokui waerä chewe,” jei Tumpa.

1 Corintios 10:26

echa’ä Tumpa iñeerɨru pe uikuaaka yandewe kua ɨwɨ jare opaete mbaembae oï pɨpe wae yandeYa imbae ko. Jayawe aramoi yepe tëi jokua soo uñemee ma tumparaanga pe, erëitu jokua soo etei Tumpa imbae ko.

1 Corintios 10:28

Erëi aramoi kía jeita ndewe: “Kua soo ko uñemee ma tumparaanga pe wae.” Jukuärái jei ndewe yawe, jayawe awɨye jeu. Echa’ä chupe waerä jokua ko jae mbae kachi wae Tumpa jowai.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 11:8

Jae nunga wi yanemandúa Abraham re. Tumpa jei chupe oë oo waerä iɨwɨ wi ambɨe ɨwɨ pe – jae ko jokua ɨwɨ Tumpa umeeta iko chupe iɨwɨrä wae pe. Jayawe yepe tëi Abraham uikuaa’ä ketɨ ra oo iko wae, erëi oë oo Tumpa re wɨrowia rewe.

Hebreos 8:9

Kua mbaetɨta ko jokua yemɨngeta ayapo tamɨkue reta ndiwe wae rami, jokua ara che opa anoe aru reta yawe ɨwɨ Egipto wi. Echa’ä jae reta uyapo’ä jokua upɨta tëi uyapo reta waerä wae. Jáeramo che opa aeya reta.

1 Pedro 2:9

Erëi pe reta ko jae Tumpa uiparawo wae reta. Pe reta ko jae sacerdote reta piyeyokui peï yaneMburuwicha wasu ara pewa pe. Jare Tumpa peñono tee ma pe reta piko waerä jae imaerä, pemɨmbeu waerä kërái jokua jae uyapo wae ikawiete ye ko. Echa’ä tenonde yawe pikuaa’ä piko añetete wae Tumpa rewa jare jukuärái pikose pɨ̈tumimbi pe rami. Erëi añawe jae uyekuaaka ma pewe, jare jukuärái pereni ma ikotɨ jokua pɨ̈tumimbi wi piko waerä tembipe ikawiete wae pe.