Éxodo 19:18 - Biblia

¹⁸ Jare ɨwɨtu wasu Sinaí opa tɨnee tatäti pe, echa’ä Tumpa uweyɨ jese tata jendɨ rewe ramo. Jare tatäti tuicha upüa ara kotɨ tatäti tata tuichaete wae wi upüa wae echa rami. Jare ɨwɨtu wasu tätaete uñemɨtɨmo.

Éxodo 19:18 Iomraidhean Croise

Génesis 11:5

Jayawe Tumpa uweyɨ ou umae waerä jokua tëta wasu re jare jokua tëta ɨwatete wae uyapo yureko reta wae re.

Génesis 15:17

Jayawe warasɨ uike ma yawe jare pɨ̈tumimbi ma iko yawe, uyekuaa aramoiño chupe pëti horno jatäti wae jare pëti tatasɨwe jendɨ wae. Jare mokui rewe uasa jokua mbaemɨmba umbɨyao wae reta mbɨte rupi.

Génesis 19:28

Jare Abraham umae tëta wasu reta Sodoma jare Gomorra kotɨ jare opaete ɨwɨ ipe tuicha wae kotɨ. Jare uecha tatäti upüa oï opaete jokua ɨwɨ wi, tatäti tata tuichaete wae wi upüa wae echa rami.

Éxodo 19:13

Piyapita ko ita pe ani uɨ pe piyuka waerä ipotawe kuimbae, kuña, sambiaɨ, ani mbaemɨmba. Awɨyeta ko pipɨsɨ. Jare awɨye etei peya ɨwɨtu wasu re ndei temimbɨ wasu uyendu mbowe. Jare piyandu yawe temimbɨ wasu täta rupi uyendu oï yawe, jayawe ramo peya katu ɨwɨtu wasu uyemɨaanga oï wae re.’ Jukuärái emɨmbeu chupe reta,” jei Tumpa Moisés pe.

Éxodo 19:17

Jayawe Moisés wɨraa reta ɨwɨtu wasu kotɨ uñeñowäiti reta waerä Tumpa ndiwe. Jare uyemboɨ reta ɨwɨtu wasu iyɨpɨ pe.

Éxodo 20:18

Jayawe Israel iñemoñaa reta uyandu yawe ara jɨapu jare temimbɨ wasu täta uyendu wae, jare uecha reta yawe uwera pɨi oï jare ɨwɨtu wasu tɨnee oï tatäti pe, ukɨye pɨpei urɨrɨ reta. Jare usɨrɨ reta mbɨrɨ joko wi.

Éxodo 3:2

Joko pe araɨwa Tumpa etei wae uyekuaa Moisés pe pëti yái jendɨ oï wae pe kuärái: Moisés uecha yái tuicha jendɨ oï, erëi okai’ä oï.

Éxodo 34:2

“Iyeyapɨkatu kawi kuriye ndimbowe pewarä, jare iyupi ye eyu che aï wae pe kua ɨwɨtu wasu Sinaí iyapɨte re,” jei Tumpa Moisés pe.

San Mateo 24:7

“Echa’ä jeta ɨwɨ pewa reta uñerärota ambɨe ɨwɨ pewa reta ndiwe, jare jeta mburuwicha reta uñerärota ambɨe mburuwicha reta ndiwe,” jei chupe reta. “Jare imeta wi karuái reta jare jeta ɨwɨkäta reta kerupi rupi.

2 Tesalonicenses 1:7

Jare jukuärái pe reta piporara peï wae, oyowake peputuuta peï kuri ore ndiwe kua yaiporara ñaï wae wi. Jokua uyeyapota oï yandeYa Jesucristo uyekuaa yawe ara wi tata jendɨ rewe jare iaraɨwa ipɨrätaete wae reta ndiwe,

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Hebreos 12:18

Pe reta mbaetɨ ma ko peya Tumpa re yanderamɨkue reta rami. Arakaete jae reta oya Tumpa re pëti ɨwɨtu wasu jendɨ iko wae pe. Jare ime iko wi amapɨ̈tu pɨ̈tumimbiete wae jare ɨwɨtu täta uyepeyu wae.

Hebreos 12:26

Jokua ara Tumpa iñee ombou yawe ɨwɨtu wasu wi, jae iñee umɨkäta ɨwɨ. Erëi añawe jae jei kuärái: “Pëti wese ye amɨkätata ɨwɨ. Erëi mbaetɨ ɨwɨño amɨkätata. Jae nunga wi amɨkätata ara jare opaete mbaembae ara re oï wae.” Jukuärái jei.

2 Pedro 3:10

Erëi ou uwäe yawe jokua ara yandeYa pewa, outa oï pëti imonda wae pɨ̈tu yawe ou wae rami. Jayawe ara añawe yaecha ñaï wae opata ukañɨ täta jɨapu rewe. Jare opaete mbaembae ara re ñonoï wae reta opata uyembái jendɨ rewe. Ɨwɨ jare opaete mbaembae ɨwɨ pe ñonoï wae reta opata okai.

Apocalipsis 15:8

Jare tupao wasu opa tɨnee Tumpa imbaepuere jembipete ye tatäti echa wae pɨpe. Jáeramo kiawe ipuere’ä uike tupao wasu pe ndei jokua chiu araɨwa reta opa uitɨ mbowe mbaesusere reta ɨwɨ pe.

Apocalipsis 9:2

Jayawe jae uipea ɨwɨkua wasu. Jare uipea ma yawe, oë tatäti tata tuichaete wae wi tatäti oë wae rami. Jare warasɨ uyekuaa’ä tatäti ɨwɨkua wi oë wae jeko pewa. Jáeramo opa pɨ̈tumimbi.