Éxodo 19:17 - Biblia

¹⁷ Jayawe Moisés wɨraa reta ɨwɨtu wasu kotɨ uñeñowäiti reta waerä Tumpa ndiwe. Jare uyemboɨ reta ɨwɨtu wasu iyɨpɨ pe.

Éxodo 19:17 Iomraidhean Croise

Éxodo 19:13

Piyapita ko ita pe ani uɨ pe piyuka waerä ipotawe kuimbae, kuña, sambiaɨ, ani mbaemɨmba. Awɨyeta ko pipɨsɨ. Jare awɨye etei peya ɨwɨtu wasu re ndei temimbɨ wasu uyendu mbowe. Jare piyandu yawe temimbɨ wasu täta rupi uyendu oï yawe, jayawe ramo peya katu ɨwɨtu wasu uyemɨaanga oï wae re.’ Jukuärái emɨmbeu chupe reta,” jei Tumpa Moisés pe.

Éxodo 19:16

Jare joko wi mbapɨ ara pe ndimbowe yawe, aramoiño täta rupi jɨapu ara jare uwera pɨi. Jare ou amapɨ̈tu pɨ̈tumimbiete wae ɨwɨtu wasu re. Jare uyendu temimbɨ wasu tätaete rupi. Jáeramo opaete Israel iñemoñaa reta ukɨyete ramo opa urɨrɨ reta.

Éxodo 19:18

Jare ɨwɨtu wasu Sinaí opa tɨnee tatäti pe, echa’ä Tumpa uweyɨ jese tata jendɨ rewe ramo. Jare tatäti tuicha upüa ara kotɨ tatäti tata tuichaete wae wi upüa wae echa rami. Jare ɨwɨtu wasu tätaete uñemɨtɨmo.

Hechos 7:38

Jare Moisés iko wi yanderamɨkue reta ndiwe ɨwɨtini wasu rupi yureko yawe. Jare ɨwɨtu wasu Sinaí pe umbatɨka reta. Joko pe araɨwa umɨngeta Moisés, jare umee chupe Tumpa iñee tekowe pewa jae umɨmbeu yuapɨ ye waerä yandewe,” jei Esteban chupe reta.