Éxodo 19:13 - Biblia

¹³ Piyapita ko ita pe ani uɨ pe piyuka waerä ipotawe kuimbae, kuña, sambiaɨ, ani mbaemɨmba. Awɨyeta ko pipɨsɨ. Jare awɨye etei peya ɨwɨtu wasu re ndei temimbɨ wasu uyendu mbowe. Jare piyandu yawe temimbɨ wasu täta rupi uyendu oï yawe, jayawe ramo peya katu ɨwɨtu wasu uyemɨaanga oï wae re.’ Jukuärái emɨmbeu chupe reta,” jei Tumpa Moisés pe.

Éxodo 19:13 Iomraidhean Croise

Éxodo 19:14

Joko wi Moisés uweyɨ ye ou ɨwɨtu wasu wi Israel iñemoñaa reta kotɨ, jare jei chupe reta: “Piyeyapɨkatu kawi koéramo pewarä,” jei. “Jokua ara pembutuichata Tumpa jee. Jayawe pembaeputuka, jare jokua ara uwäe rewa awɨye mbae tuyapo kuimbae jembireko ndiwe,” jei chupe reta. Jayawe Israel iñemoñaa reta uyapo Moisés jei wae rupi.

Éxodo 19:16

Jare joko wi mbapɨ ara pe ndimbowe yawe, aramoiño täta rupi jɨapu ara jare uwera pɨi. Jare ou amapɨ̈tu pɨ̈tumimbiete wae ɨwɨtu wasu re. Jare uyendu temimbɨ wasu tätaete rupi. Jáeramo opaete Israel iñemoñaa reta ukɨyete ramo opa urɨrɨ reta.

Éxodo 19:17

Jayawe Moisés wɨraa reta ɨwɨtu wasu kotɨ uñeñowäiti reta waerä Tumpa ndiwe. Jare uyemboɨ reta ɨwɨtu wasu iyɨpɨ pe.

Éxodo 19:19

Jekuaeño jeiete temimbɨ wasu täta uyendu. Jayawe Moisés uyemɨngeta Tumpa pe, jare Tumpa omoë ye iñee chupe. Jare opaete wae reta uyandu iñee, echa’ä Tumpa omoë iñee ara jɨapu rami.

1 Corintios 15:52

Kua uyeyapota oï aramoete mii pëti jei wae peño pëti yasapɨmi peño Tumpa jemimbɨ wasu taɨkuewaete wae uñee yawe. Echa’ä Tumpa jemimbɨ wasu uñeeta oï, jare Cristo re wɨrowia rewe umano wae reta ikowe yeta onoi waerä jete ndarau etei ikumewa wae. Jare joko wi yande imeño ñaï wae reta, Tumpa opata umbɨpɨau ye oï yanderete.

1 Tesalonicenses 4:16

Añetete uyeyapota oï kuärái: YandeYa Jesucristo ou ye yawe, uyenduta pëti ñee ipɨräta wae jare araɨwa tenondewaete iñee jare Tumpa jemimbɨ wasu wi. Jare yandeYa Cristo etei uweyɨta ara wi, jare jese wɨrowia rewe umano wae reta ikowe yeta tenonde jete ipɨau wae pe.

Hebreos 12:20

¡Orepuere’ä etei numɨawäta kua Tumpa jei wae!” jei reta. Jukuärái jei reta, echa’ä Tumpa jei ma chupe reta: “Ipotawe kua ɨwɨtu wasu re upɨ̈ro wae, tuyapi reta ita pe tuyuka – jare mbaemɨmba retawe wi,” jei.