Éxodo 17:4 - Biblia

⁴ Jayawe Moisés uyerure Tumpa pe jare upɨrandu chupe: “¿Mbae pa ayapota kua reta ndiwe? ¡Cheapi pota echa ma reta ita pe cheyuka waerä!” jei Tumpa pe.

Éxodo 17:4 Iomraidhean Croise

Éxodo 14:15

Jayawe Tumpa jei Moisés pe: “¿Maera pa ndeka chewe yemborɨ?” jei. “Ere Israel iñemoñaa reta pe jekuaeño too reta tenonde.

Éxodo 15:25

Jáeramo Moisés uyerure Tumpa pe omborɨ waerä. Jayawe Tumpa uechaka chupe pëti ɨwɨra jäka. Jare Moisés omombo yawe jokua ɨwɨra jäka ɨ pe, jokua ɨ iroete wae uyeyapo ɨ ikawi wae jou reta waerä. Jaɨkue rupi Tumpa uikuaaka chupe reta amokue mbaembae uyapota ko reta wae jare mbaembae awɨyeta ko uyapo reta wae. Echa’ä uipota uyekuaa waerä añetete ra jae reta uyapota yureko jae jei wae rupi.

Números 14:10

Erëi opaete Israel iñemoñaa reta uipota tëi uyapi reta ita pe uyuka waerä Josué jare Caleb. Erëi aramoiño uyekuaa chupe reta Tumpa imbaepuere jupiete wae tembipe uwerasɨ wae rami tupao iáramo.

San Juan 10:31

Jayawe joko pe ñonoï wae reta pochɨ jare upi ye tëi reta ita uyapi uyuka waerä Jesús.

San Juan 8:59

Jare kua uyandu reta yawe, opaete wae reta pëti pëti wae upi ita uyapi uyuka waerä tëi Jesús. Erëitu jae ukañɨ chuwi reta jare oë oo tupao wasu wi jae reta ipɨte wi etei.

Hechos 14:19

Joko wi yuweru amokue judío reta tëta wasu Antioquía pewa jare tëta wasu Iconio pewa wi. Jae reta wɨrowiaka jeta tëta wasu Listra pewa reta pe Pablo ko jae upurumbɨtawɨ uwata oï wae. Jayawe jeta tëta wasu pewa reta pochɨ rewe uyapi Pablo ita pe uyuka reta waerä. Joko wi umbɨtɨrɨrɨ onoe wɨraa reta tëta wasu joka kotɨ. Jare joko pe ueya reta, echa’ä wɨrowia reta umano ma ko.

Hechos 7:50

Mase, che etei ayapo ma opaete mbaembae ara re oï wae jare ɨwɨ pe oï wae wi,’ jei Tumpa. Jukuärái uyekuatía oï,” jei chupe reta.