Éxodo 17:2 - Biblia

² Jáeramo iyengeta reta Moisés pe jare jei reta chupe: “¡Emee orewe ɨ ndou waerä!” jei reta chupe. Jayawe Moisés jei chupe reta: “¿Maera pa piyengeta peï chewe? ¿Maera pa pemboporowa peï Tumpa ipɨawasu?” jei chupe reta.

Éxodo 17:2 Iomraidhean Croise

Éxodo 15:24

Jayawe Israel iñemoñaa reta umbɨpɨ iyengeta Moisés pe jare jei reta chupe: “¿Kiape pa nuwäeta ɨ ndou waerä añawe?” jei reta Moisés pe.

Éxodo 16:8

Moisés jei wi chupe reta: “Tumpa etei ko umeeta pewe soo peu waerä kaaru rupi. Jare ndimbowe rupi jae umeeta pewe jeta mbɨyape pepunga rewa. Echa’ä jae uyandu ma piyengeta ikotɨ wae. Añetete pe reta piyengeta orekotɨ yawe, Tumpa kotɨ etei ko piyengeta peï,” jei chupe reta.

Éxodo 17:7

Jayawe Moisés umbɨjee jokua ɨwɨ itape wi ɨ oë wae Meriba, echa’ä joko pe Israel iñemoñaa reta iyengeta chupe ramo. Umbɨjee wi Masah, echa’ä joko pe omboporowa reta Tumpa ipɨawasu jei reta iyupe yawe: “¿Ime ra oï Tumpa yande ndiwe, ani mbaetɨ ra?” jei reta.

Éxodo 5:21

Jare jae reta jei Moisés jare Aarón pe: “Tumpa tumae peré iarasɨ rewe. Echa’ä pereko pewa mburuwicha wasu jare uyeyokui chupe itenondewa reta umae ñonoï oreré pochɨ rewe. Pe reta oremɨjëwa ma chupe reta oreyuka reta waerä,” jei reta.

Números 14:2

Jare opaete Israel iñemoñaa reta iyengeta Moisés jare Aarón pe, jare jei chupe reta: “¡Ikawita tëi ko opa numano waerä ɨwɨ Egipto pe jare kua ɨwɨtini wasu rupi!” jei reta.

Números 14:22

Jáeramo che etei tae ndewe, jokua chererɨ̈ro wae reta ndarau yuraa uwäe reta jokua ɨwɨ ikawiete wae pe. Añetete uechata’äwe reta jokua ɨwɨ che jae tamɨkue reta pe ameeta tëi aiko chupe reta wae. Kua reta uecha tëi ma chembaepuere jupiete wae uyekuaa chupe reta tembipe uwerasɨ wae rami. Uecha reta tëi wi mbaembae chembaepuere tuicha wae rupi ayapo wae jae reta imaerä ɨwɨ Egipto pe jare kua ɨwɨtini wasu rupi wi. Jesewe payandepo wese ma omboporowa ñeño reta chepɨawasu, jare jekuaeño uyapo’ä reta che jae wae rupi,” jei chupe.

Números 21:5

Jáeramo umbɨpɨ iyengeta reta Tumpa kotɨ. Iyengeta reta wi Moisés pe jare jei reta chupe: “¿Maera pa nde orereru ɨwɨ Egipto wi numano waerä kua ɨwɨtini wasu rupi? Kua pe mbaetɨ tembiu jare ɨ awe ndou waerä. Jare orekueri ma jokua maná wi, echa’ä tembiu ipiche mbae wae ko.” Jukuärái iyengeta reta.

San Mateo 4:7

Jayawe Jesús jei chupe: “Ndarau ayapo. Echa’ä Tumpa iñeerɨru pe uyekuatía oï wi kuärái: ‘Awɨye pemboporowaiño peYa Tumpa imbaepuere,’ jei,” jei chupe.

San Lucas 15:12

“Jare pëti ara jokua taɨ taɨkuewa jei tu pe: ‘Cheru, emee chewe añawe woi jokua nembaembae chemaerä ikota wae. Echa’ä chembae ko jare aipota’ä aäro nemano rewa anoi waerä,’ jei tu pe. Jayawe tu umbɨyao tee tee imbaembae reta jare umee taɨ reta pe,” jei chupe reta.

San Lucas 4:12

Jayawe Jesús jei chupe: “Ndarau ayapo. Echa’ä Tumpa iñeerɨru pe uyekuatía oï wi kuärái: ‘Awɨye pemboporowaiño peYa Tumpa imbaepuere,’ jei,” jei chupe.

Hechos 15:10

“Jayawe, ¿maera pa pemboporowa peï Tumpa ipɨawasu? Pe pikuaa kawi ma Moisés arakae uikuatía wae ko jae pëti tewɨta poɨete wae rami. Jare jokua tewɨta yande parawete reta yandepuere’ä yawoɨ. Yanderamɨkue reta wi ipuere’ä owoɨ. Jayawe, ¿maera pa añawe pipota piñono jokua tewɨta yandehermano judío mbae wae reta re?” jei.

Hechos 5:9

Jayawe Pedro jei chupe: “Piyapo ma mbae ikawi mbaete wae. Echa’ä nde jare nemekue ndiwe piyemboemboe pemboporowa waerä tëi Tumpa iEspíritu iyarakuaa. Mase, kuimbae taurusu wae reta oñotɨ neme jetekue wae, ko ma ñonoï öke pe. Jare jae reta wi ndereraata oï,” jei Pedro chupe.

1 Corintios 10:9

Jae nunga wi awɨye yamboporowaiño yandeYa ipɨawasu kërái amokue jae reta uyapo rami. Echa’ä jukuärái uyapo reta ramo, Tumpa ombou chupe reta mboi imbayachiete wae reta uyuka reta waerä.

Hebreos 3:9

Cuarenta año rupi jae reta uecha tëi mbaembae che ayapo wae. Erëitu jae reta chepɨawasu omboporowa reta uikuaa waerä mbae ra ayapota aiko wae.

1 Samuel 8:6

Erëi jae reta jei yawe chupe, “Embɨjee orewe kía oremburuwicha wasurä,” jokua ikawi’ä Samuel pewarä. Jáeramo Samuel usɨrɨ chuwi reta jare oo uyerure waerä Tumpa pe jokua re.