Éxodo 16:25 - Biblia

²⁵ Jayawe Moisés jei chupe reta: “Kua ko jae perembiurä kua ara pewa, echa’ä kua ara ko jae ara mbutuu uñeñono tee Tumpa pewarä wae. Jáeramo kua ara mbaetɨta tembiu ɨwɨ re.

Éxodo 16:25 Iomraidhean Croise

Éxodo 16:23

Jayawe Moisés jei chupe reta: “Tumpa jei yandewe kuärái: ‘Kuriye ko ara mbutuu jare uñeñono tee oï Tumpa pewarä. Jáeramo kua ndimbowe pemonoo mokui ara pewarä. Jare pemboyɨta wae pemboyɨ, jare pembupuputa wae pembupupu añawe woi. Jare opaete jembɨrekue peupi kuriye pewarä.’ Jukuärái Tumpa jei yandewe,” jei Moisés chupe reta.

Éxodo 16:24

Jayawe uyapo reta kërái Moisés jei chupe reta wae rupi. Upi reta jembɨrekue pɨarewe pewarä. Jare pɨarewe pe ndimbowe yawe, uecha reta mbɨyape ine’ä chuwi reta jare jaso’ä wi.

Éxodo 16:26

Owa ara rupi imeta tembiu ɨwɨ re pemonoo waerä. Erëi chiu ara ko ara mbutuu, jare mbaetɨta tembiu jokua ara pemonoo waerä,” jei Moisés chupe reta.

Éxodo 16:29

Amee ko pewe ara chiu peputuu waerä. Jáeramo amee aï pewe mokui wese ye tembiu pemonoo waerä ara owa pe. Jukuärái uepitɨta pewe mokui ara pewaräño. Ara chiu pe pepɨtata ko opaete perëta rupiño. Awɨye peë joko wi.’ Jukuärái jae aï chupe reta,” jei Tumpa Moisés pe umɨmbeu waerä Israel iñemoñaa reta pe.