Éxodo 16:15 - Biblia

¹⁵ Jokua uecha yawe, Israel iñemoñaa reta uikuaa’ä, jare upɨrandu reta iyupe: “¿Mbae ra ko kua?” jei reta iyupe. Jayawe Moisés jei chupe reta: “Kua ko jae mbɨyape Tumpa umee pewe perembiurä wae,” jei.

Éxodo 16:15 Iomraidhean Croise

Éxodo 16:31

Jare jokua tembiu omonoo reta wae umbɨjee reta maná. Temitɨ raɨ tïi wae rami iko. Jare ipiche jëe ngatu, mbɨyape ipirëri uyeyapo ei ndiwe wae rami.

Éxodo 16:33

Jare Moisés jei Aarón pe: “Iñono maná mokui kilo uñemɨanga wae pëti mbaerɨru pe, jare eraa iñono jokua mbaerɨru Tumpa jowai. Jare tuyeupi ñaniñemoñaa reta uikuaa waerä,” jei chupe.

Éxodo 16:4

Jáeramo Tumpa jei Moisés pe: “Mase, che ambouta pewe mbɨyape ara wi, roɨ oa ɨwɨ re wae rami,” jei. “Erëi opa ndimbowe rupi, opaete wae oë omonoo reta yawe iyupe, tomonoo jokua ara pewaräño. Jukuärái uyekuaata uyapota ra reta che jae aï wae rupi, ani uyapota’ä ra reta,” jei.

Números 21:5

Jáeramo umbɨpɨ iyengeta reta Tumpa kotɨ. Iyengeta reta wi Moisés pe jare jei reta chupe: “¿Maera pa nde orereru ɨwɨ Egipto wi numano waerä kua ɨwɨtini wasu rupi? Kua pe mbaetɨ tembiu jare ɨ awe ndou waerä. Jare orekueri ma jokua maná wi, echa’ä tembiu ipiche mbae wae ko.” Jukuärái iyengeta reta.

San Lucas 12:30

“Echa’ä jokua nunga mbaembae reta re ko uyembɨpɨa’ä Tumpa re wɨrowia mbae wae reta. Erëi pe reta, awɨye piyapo jukuärái, echa’ä peRu ara pe oï wae uikuaaño mái jokua mbaembae piporuta wae,” jei.

San Juan 6:49

“Pe reta pikuaa kawi peï peramɨkue reta jou maná jokua ɨwɨtini wasu rupi yureko reta yawe. Erëitu umanoñoi reta.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

1 Corintios 10:3

Jare pemandúa kawi peï wi opaete jae reta jou maná jare ɨ Tumpa umbɨyekuaa chupe reta wae. Jokua ko jae ɨ Tumpa omoëka itape wasu wi wae. Jokua itape wasu ko jae pëti yembɨjaanga yandeYa Cristo iko jae reta ndiwe wae.

Hebreos 9:4

Joko pe iko mbaerenda oro pewa mbae utimbo kawi wae sacerdote reta uapɨ jese wae, jare Tumpa arakae jei wae yemɨmandúa jɨru. Jokua jɨru ɨwɨra pewa ko, erëi opaete ikupe rupi iko oro yepái. Jare jɨru japɨpe ime iko mbapɨ mbaembae: Pëti wae ko jae yapepo oro pewa maná oï pɨpe wae. Ïru wae ko jae Aarón ipopoka jokɨ wae. Jare taɨkuewaete ko jae mokui ita ipe kawi wae – jae ko jokua ita jese Tumpa uikuatía kërái jae reta yurekota ko jokua yemɨngeta rupi wae.

Apocalipsis 2:17

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou waerä jokua maná ara pewa añawe uñeñomi oï wae. Jare ameeta chupe reta wi pëti ita raɨ tïi wae uyekuatía oï jese pëti tee ipɨau wae. Jare jokua tee uikuaata’ä kiawe – jaeño jokua ameeta chupe wae uikuaata.’ Jukuärái ikuatía,” jei chewe.