Éxodo 16:12 - Biblia

¹² “Ayandu ma Israel iñemoñaa reta iyengeta chekotɨ wae,” jei. “Emɨmbeu chupe reta kuärái: ‘Kaaru yawe, pe reta peuta soo. Jare ndimbowe yawe, peuta jeta mbɨyape pepunga rewa. Jukuärái pikuaa kawita che ko jae peTumpa aikoño mái wae.’ Jukuärái emɨmbeu chupe reta,” jei Tumpa Moisés pe.

Éxodo 16:12 Iomraidhean Croise

Éxodo 12:6

Pëti pëti ñëtara Israel iñemoñaa pewa tuyandareko kawi jɨmba uiparawo wae re kua yasɨ ara catorce rewa. Jare jokua ara uwäe yawe, tuyuka reta kuri pɨ̈tuɨpɨ yawe.

Éxodo 16:11

Jare Tumpa jei Moisés pe:

Éxodo 4:5

Jare Tumpa jei chupe: “Kua iyapo Israel iñemoñaa itenondewa reta jowai, jae reta wɨrowia waerä peramɨkue reta Abraham, Isaac, jare Jacob iTumpa ko uyekuaa ndewe wae,” jei.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

Éxodo 7:17

Jáeramo añawe Tumpa jei oï ndewe kuärái: ‘Kua rupi nde ndikuaata che ko Tumpa añetete wae. Mase, ambokuakata aï kua ɨ wasu re kua popoka pɨpe, jare ɨ uyeyapota tuwɨ.

Números 14:27

“¿Kërái yawe rewa ra amɨawätata chupe reta jeko kachi wae jare iyengeta reta chekotɨ wae?” jei. “Echa’ä ayandu opaete Israel iñemoñaa reta uyemɨngeta kawi’ä ñonoï chekotɨ.