Éxodo 16:10 - Biblia

¹⁰ Jayawe Aarón uyemɨngeta iko opaete wae reta ndiwe rambuewe, uyerowa umae reta ɨwɨtini wasu kotɨ. Jare uecha reta aramoiño Tumpa imbaepuere jupi wae uyekuaa chupe reta tembipe uwerasɨ wae rami amapɨ̈tu re.

Éxodo 16:10 Iomraidhean Croise

Éxodo 16:11

Jare Tumpa jei Moisés pe:

Éxodo 16:7

“Jare kuriye ndimbowe wi pechata uyekuaa pewe Tumpa imbaepuere jupi wae tembipe uwerasɨ wae rami. Jae uyandu oï piyengeta peï ikotɨ wae. Ore jaeño nduyapo noï Tumpa jei wae rupi. ¿Maera pa piyengetaete orekotɨ?” Jukuärái jei chupe reta.

Éxodo 24:16

Tumpa imbaepuere tata tuicha jendɨ jembipe echa wae rami uweyɨ ɨwɨtu wasu Sinaí re. Jokua tembipe uyekuaa wi Israel iñemoñaa reta pe jae reta ñonoï rambuewe ɨwɨtu wasu iyɨpɨ rupi. Jare amapɨ̈tu upɨta owa ara rupi ɨwɨtu wasu iyapɨte re. Jare chiu ara uwäe yawe, Tumpa omoë iñee Moisés pe amapɨ̈tu wi.

Números 14:10

Erëi opaete Israel iñemoñaa reta uipota tëi uyapi reta ita pe uyuka waerä Josué jare Caleb. Erëi aramoiño uyekuaa chupe reta Tumpa imbaepuere jupiete wae tembipe uwerasɨ wae rami tupao iáramo.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.