Éxodo 15:5 - Biblia

⁵ Ita rami jae reta opa usakambu, jare mar tɨpɨete wae opa umbɨyasoi reta.

Éxodo 15:5 Iomraidhean Croise

Éxodo 14:28

Jare ɨ uñatima ye yawe jenda pe, opa umbɨyasoi opaete karosa ñeräro pewa reta isɨndaro reta ndiwe, jare opaete sɨndaro opo kawayu re wae reta, jare opaetei sɨndaro ɨwɨ Egipto pewa reta uaɨkuemoña tëi Israel iñemoñaa reta yureko wae. Pëti awe mburuwicha wasu isɨndaro reta oyepe’ä ɨ wi.

Éxodo 15:10

Erëi nembou ye ndeɨwɨtu täta wae yawe, mar opa umbɨyasoi reta. Jare jae reta opa usakambu mar íɨwɨ pe jiero poɨete wae rami.

Éxodo 15:16

Kɨye opata uyapɨraa reta. Nembaepuere rupi tupɨta reta kïi ngatu ita rami ore opa nduasa rewa. Jukuärái tuyeyapo, oreTumpa, echa’ä ore ko jae nde ndiparawo wae reta.

San Mateo 18:6

Jayawe Jesús jei wi jemimboe reta pe jokua sambiaɨ rewa: “Ime yawe kía uyawɨka Tumpa kotɨ kua nunga cheré wɨrowia wae pe, Tumpa tuicha rupi uiporarakata oï chupe,” jei. “¿Këraita ra ko kía uñapɨ̈ti yawe peyayu re pëti ita tuicha wae, jare joko wi pemombo yawe ɨ tɨpɨ wae pe? Jokua ikawi’ä ko. ¡Erëi oete yeta oï kía pe Tumpa kotɨ uyawɨka yawe pëti cheré wɨrowia mii wae pe! Echa’ä Tumpa tuichaete ye uiporarakata oï chupe,” jei.

Apocalipsis 18:21

Jayawe aecha pëti araɨwa ipɨrätaete wae owoɨ pëti ita tuichaete wae – jae ko pëti ita umbaeso pɨpe wae rami. Jare owoɨ ma yawe, araɨwa omombo mar pe jei rewe: “Yepe tëi Babilonia ko jae tëta wasu jeräkuaete wae jare imbaepuerete wae, erëi kuärái opata uyembái oï. Ndarau ye ma kía uecha.