Éxodo 15:22 - Biblia

²² Jaɨkue rupi Moisés uruwata Israel iñemoñaa reta Mar Pɨ̈ta jee wae wi, jare yuraa reta ɨwɨtini wasu Shur jee wae kotɨ. Jokoropi mbapɨ ara rupi uwata reta, erëi uwäe’ä chupe reta ɨ jou waerä.

Éxodo 15:22 Iomraidhean Croise

Génesis 16:7

Joko wi Agar oo uwäe pëti ɨkua, tape tëta wasu Shur jee wae kotɨ oo wae iyɨpɨ pe. Jare joko pe araɨwa Tumpa etei wae uyekuaa chupe.

Éxodo 17:1

Opaete Israel iñemoñaa reta oë yuraa ɨwɨtini wasu Sin jee wae wi. Joko wi yuraa jare upɨta reta kiape Tumpa jei chupe reta wae rupi. Jayawe yuraa uwäe reta ɨwɨ Refidim jee wae pe. Erëi joko pe mbaetɨ ɨ chupe reta.

Éxodo 3:18

Jare Tumpa jei wi chupe: “Jae reta uyapɨsakata nderé. Jare nde ndeota Israel iñemoñaa itenondewa reta ndiwe mburuwicha wasu jowai, jare ndereta chupe kuärái: ‘Ore hebreo reta nduiko wae, oreTumpa ikoño mái wae uyekuaa orewe. Jáeramo emaeño oreré noë nduwata waerä kua wi mbapɨ ara rupi ɨwɨtini wasu kotɨ. Joko pe orepuere nduyuka mbaemɨmba reta numee oreTumpa pewarä.’ Jukuärái ndereta chupe,” jei.