Éxodo 15:2 - Biblia

² Tumpa jae chemɨmɨräta wae ko; jáeramo che akätata chupe. Jae ko cheTumpa cherepɨ wae. Jae jeeño tambutuicha. Jae ko cherukue iTumpa wi. Tambutuicha jae jee.

Éxodo 15:2 Iomraidhean Croise

Génesis 17:7

“Jare jaeño mái pewa chemanduata aï kua yemɨngeta ikawi wae re ayapo nde ndiwe jare niñemoñaa reta ndiwe wae. Jare che aikota jaeño mái pewa ndeTumparä jare niñemoñaa reta iTumparä wi,” jei.

2 Samuel 7:5

“Ekua embeu David pe che jae aï chupe kuärái: “¿Ndiyapota ra chewe cherëtarä aiko pɨpe waerä? ¡Ndarau!

Éxodo 14:13

Jayawe Moisés jei chupe reta: “Awɨye pekɨye,” jei. “Piñemɨmɨräta. Peäro jare pechata peï Tumpa uyapota oï wae kua ara perepɨ waerä. Echa’ä opaete pea sɨndaro reta ɨwɨ Egipto pewa pecha peï añawe wae, ndarau etei ma pecha ye kuri.

Éxodo 3:6

“Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

Éxodo 4:22

“Joko wi ndereta chupe kuärái: ‘OreTumpa jei kuärái: ‘Israel iñemoñaa reta ko cheraɨrɨpɨ rami.

Éxodo 40:34

Jayawe aramoiño amapɨ̈tu umbɨyasoi tupao. Jare Tumpa imbaepuere jupiete wae uyekuaa pëti tembipe uwerasɨ echa wae rami jare opa tɨnee tupao.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

Jeremías 31:33

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

San Lucas 1:77

Jare nde ndikuaakata neï kuri yandeYa uiparawo wae reta pe kërái jae reta ipuere mbaembae uyawɨ Tumpa kotɨ wae opa uyembái chuwi reta waerä, jare jukuärái onoi reta waerä tekowe opa mbae wae.

San Lucas 2:30

Añawe aecha ma kua nde nembou orerepɨ waerä wae.

San Juan 4:22

“Pe Samaria pewa piko wae reta pembutuicha tëi Tumpa jee, erëitu pikuaa’ä kërái ko jae wae. Erëi ore judiorä nduiko wae reta numbutuicha Tumpa jee nduikuaa rewe. Echa’ä ore rupi Tumpa uikuaaka oï tekowe opa mbae wae rewa,” jei.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

Efesios 2:22

Jare pe reta judío mbae piko wae peï pëti ramiño ore ndiwe. Jukuärái opaete rewe yande reta ko jae Tumpa jëta rami jare oï pɨpe Espíritu Santo.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

Apocalipsis 15:3

Jare jae reta ukäta Moisés ikäta pe jare Owecha kuimbae taurusu wae ikäta pe. Ukäta reta kuärái: “OreYa Tumpa, nde opaetei mbaepuere nenoi. ¡Nderembiapo reta ikawiete jare orembɨpɨakañɨete! Nde ko jae opaete wae imburuwicha wasurä jaeño mái pewa. Jare opaete nde ndiyapo wae jupi ko jare añetete ko.

Apocalipsis 19:1

Kua jaɨkue rupi ayandu ara pe ñee täta uyendu wae. Jetaete ye ye wae reta usapɨkai ñonoï jare jei ñonoï pëti ñee waeño kuärái: “YandeTumpa ko jae yandeRepɨ wae. Jare jae ime onoi opaete wae re mbaepuere. ¡Opaete wae tumbutuicha Tumpa jee jare tuipɨu chuwi!