Éxodo 14:6 - Biblia

⁶ Jayawe jawoi pewa mburuwicha wasu uyapɨkatuka ikarosa ñeräro pewa, jare isɨndaro reta ndiwe yuraa uaɨkuemoña uipɨsɨ waerä tëi Israel iñemoñaa reta.

Éxodo 14:6 Iomraidhean Croise

Éxodo 14:5

Jokua rambuewe, ɨwɨ Egipto pe amokue wae umbeu imburuwicha wasu pe kërái Israel iñemoñaa reta opa ma oë yuraa ɨwɨ Egipto wi wae. Jayawe mburuwicha wasu jare imborɨa umbɨarakuaa wae reta uyembopochɨ ye Israel iñemoñaa reta kotɨ. Jayawe jei iyupe reta: “¿Mbae ra ko yayapo? ¿Marái ramo ñamaeño Israel iñemoñaa reta re oë yuraa waerä? ¡Echa’ä opa ma ñamɨkañɨ ñaï yandeyuwi yanepione reta!” jei iyupe reta.

Éxodo 14:7

Jare wɨraa jae ndiwe opaete ɨwɨ Egipto wi karosa ñeräro pewa, pëti pëti karosa isɨndaro ndiwe jare pëti sɨndaro itenondewa ndiwe. Jokua reta ipɨte wi yuraa owa chiëto karosa ñeräro pewa isɨndaro reta ndiwe. Jokua reta jeräkuaete opaete pe ñeräro pewái ko reta wae.

Éxodo 15:4

Tumpa opa uyatɨka ɨ pɨpe mar íɨwɨ pe opaete mburuwicha wasu ikarosa reta jare isɨndaro reta ɨwɨ Egipto pewa. Tumpa opa umbuputupa wi mburuwicha wasu isɨndaro itenondewa ikawiete wae reta Mar Pɨ̈ta jee wae pe.