Éxodo 14:4 - Biblia

⁴ “Jare che amɨtäta yeta mburuwicha wasu ipɨa chuwi,” jei. “Jayawe jae peraɨkuemoñakata oï pepɨsɨka waerä tëi. Erëi che amɨamɨrita aï mburuwicha wasu jare opaete isɨndaro reta, jare jukuärái aikuaakata aï opaete ɨwɨ pewa reta pe chembaepuere. Taɨkue rupi opaete ɨwɨ Egipto pewa reta uikuaata che ko jae opaetei wae iYa,” jei Tumpa Moisés pe. Jayawe Israel iñemoñaa reta uyapo kërái Tumpa jei wae rupi.

Éxodo 14:4 Iomraidhean Croise

Éxodo 10:2

“Jare pe reta pemiärita pesambiaɨ reta pe jare perumɨmino reta pe kërái aiporaraka ɨwɨ Egipto pewa reta pe. Jare pemiärita wi chupe reta mbaembae kɨyete pewa joko pe ayapo wae rewa. Jukuärái pikuaata che ko jae Tumpa aikoño mái wae,” jei Tumpa Moisés pe.

Éxodo 10:27

Erëi Tumpa umɨtäta yewɨ mburuwicha wasu ipɨa chuwi. Jáeramo mburuwicha wasu umaeño’ä jese reta oë yuraa waerä.

Éxodo 12:28

Jayawe Israel iñemoñaa reta uyapo opaete Tumpa jei Moisés jare Aarón rupi wae.

Éxodo 14:23

Jaɨkue rupi opaete mburuwicha wasu isɨndaro opo kawayu re wae reta jare ikarosa ñeräro pewa reta isɨndaro reta wi umbɨpɨ uaɨkuemoña Israel iñemoñaa reta mar mbɨte rupi.

Éxodo 14:25

Erëi Tumpa umɨpäaka ikarosa reta chuwi; jáeramo yawaiete uruwata reta waerä. Jayawe sɨndaro reta ukɨye rewe jei reta: “¡Israel iñemoñaa reta iTumpa ko aipo uñeräro oï yandekotɨ jae reta ipepɨka pe! ¡Yasi chuwi!” jei reta.

Éxodo 14:3

Jukuärái mburuwicha wasu ɨwɨ Egipto pewa wɨrowiata tëi peropa peï wae jare opa pepäa peï mar jare ɨwɨtini wasu ipäu pe wae,” jei.

Éxodo 14:5

Jokua rambuewe, ɨwɨ Egipto pe amokue wae umbeu imburuwicha wasu pe kërái Israel iñemoñaa reta opa ma oë yuraa ɨwɨ Egipto wi wae. Jayawe mburuwicha wasu jare imborɨa umbɨarakuaa wae reta uyembopochɨ ye Israel iñemoñaa reta kotɨ. Jayawe jei iyupe reta: “¿Mbae ra ko yayapo? ¿Marái ramo ñamaeño Israel iñemoñaa reta re oë yuraa waerä? ¡Echa’ä opa ma ñamɨkañɨ ñaï yandeyuwi yanepione reta!” jei iyupe reta.

Éxodo 14:8

Israel iñemoñaa reta oë yuraa yureko reta ɨwɨ Egipto wi upurumɨamɨri pota wae rami. Jare Tumpa umɨtäta chuwi mburuwicha wasu ɨwɨ Egipto pewa ipɨa. Jáeramo mburuwicha wasu isɨndaro reta ndiwe uaɨkuemoña Israel iñemoñaa reta.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

Éxodo 7:17

Jáeramo añawe Tumpa jei oï ndewe kuärái: ‘Kua rupi nde ndikuaata che ko Tumpa añetete wae. Mase, ambokuakata aï kua ɨ wasu re kua popoka pɨpe, jare ɨ uyeyapota tuwɨ.

Éxodo 7:3

“Erëi che amɨtätata mburuwicha wasu ipɨa chuwi. Yepe tëi che ayapota chupe mbaembae kɨyete pewa ɨwɨ Egipto pe, erëi jesewe jae uyapɨsakata’ä piñee re. Jáeramo aiporarakata jasɨ katuete rupi opaete ɨwɨ Egipto pewa reta pe. Jare anoeta kuri ɨwɨ Egipto wi Jacob doce taɨ pëti pëti iñemoñaa reta rupi. Echa’ä jae reta che aiparawo wae reta ko,” jei.

Éxodo 7:5

“Jayawe ramo ɨwɨ Egipto pewa reta uikuaata che ko jae Tumpa aikoño mái wae, ayapo yawe chupe reta mbaembae kɨyete pewa anoe waerä Israel iñemoñaa reta ɨwɨ Egipto wi,” jei Tumpa Moisés pe.

Éxodo 9:16

Erëitu amaeño nderé ndiko waerä aikuaaka waerä ndewe chembaepuere, jare opaete ɨwɨ pewa reta uikuaa waerä che rewa.

Romanos 11:8

Uyekuatía oï Tumpa iñeerɨru pe jese reta kuärái: “Tumpa uyapo chupe reta awɨye waerä iyarakuaa reta. Jae uyapo reta jesa mbae wae rami jare iyapɨsa mbae wae rami, awɨye waerä jae reta uikuaa kawi Tumpa rewa. Jare jekuaeño añawe rupi jukuärái jae reta ñonoï.”

Romanos 9:17

Jare Tumpa uipota’ä ipɨakawi kía pe yawe, ndarau uyapo wi. Yanemandúa ñaï kërái Tumpa jei ɨwɨ Egipto pewa reta imburuwicha wasu pe kuärái: “Amaeño nderé ndiko waerä aikuaaka waerä ndewe chembaepuere, jare opaete ɨwɨ pewa reta uikuaa waerä che rewa.” Jukuärái Tumpa jei chupe.

Romanos 9:18

Jayawe kua pe yaecha ñaï kërái Tumpa uiparareko jae uipota uiparareko wae, jare umbɨpɨatäta kía jae uipota umbɨpɨatäta wae.